حبيت انقل القصيدة اللي بسببها تم الرد
من الشاعر محمد النمران
*
*
قصيدة أبله ساره ....؟؟ !
تكلم فيها بنت حبيبها التي أصبحت طالبه عندها.
وتلتقي فيه صدفه بعد مرور سنوات طويله عند اصطحابه لأبنته في المدرسه .
يانوره.. بالله اسمعي لا تصدين// يابنت حر ن مركزه بالصداره
شي جرالي قسم القلب قسمين // وابلا ملامه افهمي للعباره
باول دوام المدرسه يوم الاثنين // معلمه في وجه باب الاداره
وقفت باللجنه على سادس اثنين// مثل المجند ينتظر للاشاره
هذي تنادي وهذي ابله انا وين// زحمه وتو اليوم باول نهاره
اصوت لبنتين وبيدي بنتين// نوره،،مضاوي عايشه،، مي،، يارا
وسمعت صوت رجع الوقت لسنين //صوت الذي اسمه بنقش السواره
" اختي عن اذنج ناقل البنت هالحين//تفضلي الاوراق و الاستماره"
عجزت لا اجاوب ولا ارمش العين// طول سكوتي وهو طال انتظاره
حسيت كن الدم مثل البراكين // شريان قلبي وصل حد انفجاره
ورفعت راسي وصارت العين بالعين// ولمحت في عينه سواة الشراره
هو،،هو والا واهمه يامسلمين// زوله ورفعة حاجبه مع سماره
لاماتغير فيه ياكود شيين // حف الشنب والشيب زاد بوقاره
اتلا علاقتنا ثلاثه وتسعين // باول حلاة العمر قبل انكساره
الشاهد الله ماحصل بيننا شين // ولا يخدش احساس بنت وعذارا
نعم الحبيب اللي الطيب والزين// ونعم الرفيق اللي حفظ حق جاره
ياوجه ابوي الوجه مرحب وسهلين// لا يابعد روح ومعاليق ساره
ودي المه وودي اصيح بس وين// مثل الكسير اللي نشب وسط غاره
مايستطيع المشي من دون رجلين// وحوله جنود تشتهر بالشطاره
ياللاسف هالحين صرنا غريبين // حكم القدر واصدر علينا قراره
الهم والغربال والفقد والبين // وانا اسيره تنتظر للزياره
ويلي علي لاماك ويلاه ياحسين// يامن يجمعنا واسوق البشاره
ساره!!! وسكت له لحظة كنها سنين//واقفا واشوفه يوم شب الزقاره!
*
*
كل الشكر أختي
على روعة النقل
وكل الامنيات للمتحابين بالزواج
وماأروع ديننا الذي يحرم العلاقات بدون رابط شرعي
وما أجمله عندما فرض علينا نحن النساء بالحجاب
فهو يحدكثير من العذاب الذي يقع فيه كثير
بسبب الاختلاط
لك
عذب التحايا
مواقع النشر