السلام عليكم أخواتي
هأقدم لكم اليوم طبق طيب كثير برمضان وخفيف عالمعدة وبارد ومن أكلاتي المفضلة دائماً وهو مخشي الكوسا باللبن بالطريقة الشامية
طريقة عمل الكوسا باللبن:
المقادير:
كوسا صغيرة الحجم جداً ـ لبن زبادي (دسم 3,5%) ـ ملعقة نشا لسن اللبن ـ ماء لسن اللبن (عادة يكون نص كمية اللبن أو حسب القوام المطلوب) ـ صنوبر مقلي ـ لحمة عجل هبرة مفرومة ـ صنوبر نى للحشوة ـ بهارات سبع ـ بصل مفروم ناعم ـ ملح ـ
حشوة الكوسا:
عبارة عن لحمة مفرومة وتفضل بأن تكون لحمة عجل اشتريها هبرة وافرميها بالبيت وممكن بأن تحشيها مع تتبيلة بهارات وصنوبر وهي نية فقط والخيار التاني مثل ما بنحبها احنا بقلب اللحمة المفرومة مع شوية بصل مفروم ناعم وبهارات السبع وشوية ملح وصنوبر فقط تقليب لمدة قصيرة دون ما تنشف
بعد تقوير الكوسا ويكون التقوير مش مثل تقوير المحاشي العادية لازم تكون هنا سميكة شوية ونزيل القمعة من تحت وفوق وممكن بالسكين نحت القشرة الخارجية للكوسا حت مش تقشير فقط حت هاي مهمة كثيرة الخطواة ولو لقيتي الكوسا حلوة وخضرا اتركيها بقشرتها كمان بتضل محافظة على شكلها الجميل أثناء القلي
حشوة الكوسا:
عبارة عن لحمة مفرومة وتفضل بأن تكون لحمة عجل اشتريها هبرة وافرميها بالبيت وممكن بأن تحشيها مع تتبيلة بهارات وصنوبر وهي نية فقط والخيار التاني مثل ما بنحبها احنا بقلب اللحمة المفرومة مع شوية بصل مفروم ناعم وبهارات السبع وشوية ملح وصنوبر فقط تقليب لمدة قصيرة دون ما تنشف
قلي الكوسا:
يتم بزيت حار جداً لمدة دقائق فقط نقلبها للوجهين دون ما تحمر فقط تشقر شوية
ملاحظة: ضروري نجهز ورق تنشيف حتى نضع الكوسا بعد القلي عليه ويمتص كل الزيت المتبقى فيه
طريقة سن اللبن:
نحضر كوبين لبن تقريباً نص كيلو ويكون كامل الدسم (3,5%) ونضع معه ملعقة كبيرة نشا وكوب ونص ماء أو أقل أو أكثر حسب القوام المطلوب ونبدأ بخفقه بالمضرب اليدوي لحد ما يختلط ويصير طله قوام واحد
ملاحظة: ممكن وضع بيضة نية معهم بتعطي نكهة زاكية ولكن بعض الناس لا يرغبها وأنا كمان كنت احطها زمان ولكن استغنيت عنها وصرت اكتفي فقط بالنشا
ملاحظة: هنا بعد سن اللبن بنلاحظ فيه رغوة عالوجه ما تشيليها هاي سر نكهة اللبن بنضع اللبن بالطنجرة عالنار ونستمر بالتقليب فهي لحد ما يغلوو وما تسهى عينا عن التقليب لأنه ممكن يفرط معاكي بهاي الخطوة ولو حصل وفرط ارجعي اضربيه بالمضرب جيداً
بنزل الكوسا المقلية فيه وبتركه خمس إلى عشر دقائق على نار هادية يتسبك شوية بالكوسا
بعد الاستواء بنرش نعناع يابس وصنوبر مقلي بطبق التقديم بجانب صحن رز بشعيرية مفلفل ومخللات وصحتين وعافية
مواقع النشر