السلام عليكم ورحمة الله وبركاته
راح اقولكم سالفه هالكنافه طبعا مره سويت توست وماضبط معاي وقلت برميه بس تراجعت بصراحه حرام ففكرت وطلعت لي هالفكره قلت ليش ماسوي بها كنافه كذابه وبقسماط قمت وفرمت وجزء خليته بقسماط وخليته في الفرن يجف وعبيته في علبه فاضيه
وهنا سويت الكنافه (ممكن عملها بالكنافه العاديه)
المقادير
5 ك توست مفروم +اصبع زبده اناحطيت نص زبده ونص زيت اذا حبيتي تحطي هيل او ماء ورد
الحشوه
2 م ك كاسترد
3 م ك سكر
3 ك حليب سائل
فانيلا +هيل
ماء ورد حسب الرغبه
نخلطهم ع النار لين يثخن قوامه ثم نضيف له 2 قشطه
جوز هند او فستق
الطريقه نفرد التوست في الصينيه
ونحاول نرفعه اشوي ع الاطراف عشان ماتطلع الحشوه
ثم نقطع الموز انا استخدمت 3 موزات طبعا اللي تبي تزيد بكيفها
(ممكن اذا حبيتي تهرسينها وتضيفينها للكاسترد)
ثم نضيف الحشوه
ثم الفستق المفروم او الجوز الهند انا هنا صورت الفستق بس
وبعدين نضيف طبقه اخري من التوست ونضغط عليها بالخفيف عشان الحشوه
تدخل الفرن وتحمر من تحت ثم من فوق
نتركها لمده ربع ساعه اوحتي تبرد اشوي وبعدين نحط عليها العسل او الشيره انا ماكثرت لاني حاطه في الحشوه مجرد 5 الي4 م كبيره وترش بجوز الهند اوالفستق وبعدين غلفتها عشان تكون جاهزه ووديتها معاي
وبالعافيه عليكم
رد مع اقتباس
مواقع النشر