قصتي مع بنتي ومرضها وشفائها ولله الحمد
السلام عليكم ورحمة الله وبركاته
اليوم كنت قاعده اتذكررر ايام لما كانت بنتي تعبانه واقول الله لايعيدهاااا امين ويحفظ لي بنتي وولدي وابناء المسلمين امين وقلت ليش ما افيد بنات حواء في قصتي هذي لعل الله ينفع بها واكون قدمت لو شئ بسيط انفع به احد ......وبنتي للمعلوميه كان عمرها سنه......
بداية بعطيكم نبذه عن الاعراض اللي كانت عند بنتي حبيبتي
ااولا كانت حرارتها كل اسبوعين او اقل ترتفع بدون سبب وكنت اوديها للمستشفى ويقولو احتقان ومدري وش وكنت اصدق واعطيها العلاجات وهكذا
ثانيا. بنتي ماكانت تاكل ابد الا بالغصب وكانت نحيفه وكل من شافها قال نحيفه مررره
ثالثا مزاجها اغلب الاوقات متعكر وتبكي كثير ودايم اعزكم الله عندها امساك او اسهال وطبعا انا قلت شي عادي يني كل طفل يمررر بالهشي.........
رابعا كانت دايم عندها اعراض زكام واحتقان وكحه وكل ماوديتها للمستشفى قالو احتقان .....
ووهذي اغلب الاعراض اللي لاحظتها
وانا صررراحه تعبت من قلة اكلها مرررره اكلها قليل ومالها نفس في شي وكنت دايم اشكي لاي احد يقوللي نحيفه وصغيره واقوللهم ماتاكل وكذا
لحد ما في يوم جاء اخوي عندي وطبعا هو متزوج وعنده عيال الله يخليهم له وشافها قال البنت مو طبيعيه وراح وحط يده على راسها يتحسس يافوخها اللي هي المنطقه اللينه اللي في الراس وقال هذا مررره نازل لازم تودينها عند حرمه ترفعه لها.....
وانا اخذت الموضوع على محمل الجد يعني مافي شي الا سويته وجات على هذي قلت يابنت توكلي على الله وبالفعل اعطاني اخوي رقم حرمه الله يجزاهل بالخيرررر ودقيت واخذت موعد ووديت بنتي حبيبتي عندهااا.....
ولما شافتها كانت المفاجئه يابنات ؟؟؟؟
قالت وينك من زمان بنتك يافوخهااا مرررره نازلومن زمان وما لاحظتي قلت والله اني جاهله بهالامور الله المستعان......وقالت لوزها نازله من هالشي لان اذا نزل اليافوخ تنزل اللوز واذا شافوها الدكاتره قالو احتقان لانهم مايعرفو الاشياء ذي......
وتحسست بطنها وقالت بعد عندها (المشبع)هذا اسمه وهو يكون المعده تحركت من مكانها وارتفعت فوق ......
وقامت وجابت فكس وكوب مويه بارده وقامت تهمز رقبت بنتي وبطنها واخر شي قالت اشغلي البنت عشان ارشها بمويه وتخاف عشان تشهق ورشتها ثلاث مرات ....
وقالت تعالي بكره وبعده يعني ثلاث ايام وبالفعل الحمد لله رحت وكل ما اجيها تسوي نفس الحركات واليوم الاخير قالت باقي ما ارتفع يافوخها قالت لازم تجين بكره واسويلها خلطه واحطها عليها وان ارتفعت بكره مايحتاج بس جيبيها اشوفلها.....
ورجعتلها اليوم الرابع وشافت لراس بنتي قالت الحمد لله ارتفع وماتتخيلو فرررحتي قلت الحمد لله الفضل لله ثم للحررمه الطيبه الله يجزاها بالف خيرررر....
وقالت انتبهي عليها من الطيحات ع راسها وانتبهي احد يلعبها بقوه ويقلبها ....
والحمد لله حسيت بنتي رجعت تاكل احسن من اول وحرارتها ماعاد ترتفع بدون سبب والحمد لله....
فنصيحتي لكل وحده مرررت بمثل حالت بنتي توديها لحرمه من اللي يعالجون الاشياء هذي والله يابنات بنتي كانت بتروح مني والفضل لله ثم لهذي الحرمه الطيبه الله يجعلها في ميزان حسناتها والمستشفيات ماغير احتقان وخررررطي ....
اذا رحتي للمستشفى اكثر من مررره وقالو احتقان اعرفي ان الشغله اكبر والحقي ع ولدك او بنتك.....
وما ابي منكم الا الدعاء ان الله يحفظلي اولادي ويجعلهم قرة عين لي ويبعد عنهم كل مرض وحسد وعين ويحفظ اولاد المسلمين امين.....
والله تعبت عالموضوع اتمنى تعلقون واللي تبي خدمه من عيوني ....
رد مع اقتباس
مواقع النشر