[frame="6 80"]
افكار للملكة
بسم الله الرحمن الرحيم
في الفترة الأخيرة صرنا نشوف بطاقات الزواج وبجنبها بطاقات الملكة
وصارت الملكة أهم من الزواج وينحط فيها
بس للأسف دايم التجهيز لها يكون بوقت قصير لدرجة البنت وأهلها مايعرفون كيف ممكن يحطون ملكة زينة بأقل الوقت
صدق أن بعض المتزوجات بيجون يقولون لي أن المكلة بذخ ماله داعي واسراف
وانا اشوف هالشي
بس بصراحه من الناس اللي حولي اشوف لما البنت تحط ملكة سنعه فيها حنه طنة اهل رجلها يحطونها فوق راسهم ويقولون هذي اهلها معودينها على كذا وكذا... بعكس حريم عيالهم اللي ماسووا شي
يعني بالمختصر المفيد ياعرايس ياقمرات حطوا ملكات وخلوا العرس عائلي بلا خساير بشي ماتحضرينه
عن كثر الهذرة ونبدا بالكلام السنع
1- تحددين قائمة بالمدعويين من اهلك وتخلين أمك تتصل على أمه ويحددون عدد معازيمهم، وأهم شي كيف راح تعزمون هالناس؟ هل بالتلفون او بتضطرون ترسلون بطاقة عادية لكل بيت... طبعا الافضل بالتلفون لان ماله داعي حوسة بطاقات والوقت ضيق
2- تختارين فستان الملكة... وأهم شي اللون لان بيعتمد عليه أشياء كثيرة
3-بناء على لون الفستان تختارين الثيم حق الملكة
4-تحددين الديكور لمدخل البيت أو مدخل المجلس في الاستراحة
5- تختارين ديكور للمكان اللي بتجلسين فيه بالمجلس ولازم يتناسب مع ديكور المدخل
6- تحجزين وحدة كويسة للدي جي... وتتفقين معاها اذا تسوي لك مكس للزفة، وتختارين معاها الأشرطة اللي راح تجيبها معاها بيوم الملكة
7- تحجزين استديو للتصوير، وتسألين عن الخلفيات واذا تسوي للصور تعديل بالفوتوشوب او بس تصوير عادي.
8- تسوين هدايا رمزية للضيوف وتعكس ثيم الحفلة
9- تتفقين مع مطعم حلو للبوفيه، وتسألين عن الطاولات وطقم الخدمة على البوفيه، وعن الصحون اللي يقدمون فيها والصحون اللي تنحط على الطاولات
10- تتفقين مع صبابات كويسات يجيبون معاهم وحدة تستلم العبايات، وتأكدي اذا هم يجيبون طقم القهوة والشاي معاهم أو انتي توفرينه
ملاحظات متفرقة:
- لازم تأكدون على المعازيم انه مافي اطفال بالعشا
- ابتعدي عن استخدام الشموع لانها ممكن تسبب حرائق وغير كذا يمكن ماتلقين وقت تشغلينها بغرفة الأكل الا في حال طربتي طقم الخدمة مع العشا
[/frame]
افكار للملكة
مواقع النشر