اللوز المغطى بالكراميل..بالخطوات المصورة...

**زهرة اللوتس** · 28-11-2006, 10:14 PM

بسم الله الرحمن الرحيم

السلام عليكم ورحمة الله وبركاته

هذا النوع من المكسرات يستخدم في الحلويات..
سويته في رمضان واستخدمته لكل الحلويات تقريباً..
يعطي الأسكريمات طعم عجيب..
وكأنج تاكلين باسكن روبنز..
وممكن تستخدمين أي مكسرات انت تحبينها..بنفس الطريقة والمقادير..

اللوز المغلف بالكراميل..

نضع كوب سكر على النار..

يترك حتى يتغير لونه إلى اللون الذهبي..(الصورة مش واضحة وايد)
بس ما نخليه أكثر من جذه

نضيف كوب وربع الكوب لوز مكسر..(اللوز غير مملح وغير مقشر)

يقلب على النار حتى يتحمص..

سنلاحظ تغير لونه .. بس لا تخليها وايد حتى ما ينحرق السكر ويعطي طعم مر..

يرفع من على النار ويفرش على ورق زبدة..

يترك حتى يبرد تماماً..

ثم يكسر .. ويمكن حفظه بكيس نايلون في الفريزر..ويستخدم حسب الحاجة..

نصيحة..
جهزي كل شي جدامج قبل لا تسوينها..
لأنج اذا تركتيها يمكن تحترق..

ان شاء الله يعجبكم..