•°• H!ND كنافتي بالجبن والقشطة يمممم على حلاوتها ولذتها ( بالصور من مطبخي ) H!ND •°•
[align=center]السلام عليكم ورحمة الله وبركاته
شحاااااااالكم وشخباركم وشعلوووومكم >>> إماراتية قح خخخخخخخخخخخ
الأسبوع اللي فات اشتهيت كناااااافة وتذكرت كنافة أم نوناااااا اللي بحشوة الجبن والقشطة
قلت قومي يا بنت وسوي الكنااااافة قبل لا ترجعين للريجيم >>>> ونعم الريجيم خخخخخ
وخبصت شوية تخبيصات على أساس أقلد أم نونا ههههههه
شوفوا كنافتي //
استخدمت كنافة السنبلة ( ما استخدمت العلبة كاملة .. استخدمت أكثر من النص بشوية )
+ نصف إصبع زبدة كالظاهر في الصورة + علبة فيلاديلفيا + علبة قيمر
أول شي قطعت الكنافة بالمقص
وبعدين ذوبت الزبدة وصبيتها على الكنافة وفركتها ( ورشيت شوية زعفران )
وشوفي هالخطوة الغريبة اللي سويتها خخخخخخخخخخ
جبت جبنة موزيريلا وبشرت ربعها على الكنافة قبل لا أفرشها بالصينية
وخلطتهم زييييييييين
والسبب إني حطيت الجبن حتى ما تتفكك الكنافة لما أجي أقطعها >>> تفكير غريب خخخخخخخخخ
وفرشت 3 أرباع خليط الكنافة بالصينية
وهنا مقربة أكثر
شوفوا الجبنة المبشورة
ألحين خلطت الفيلاديلفيا كاملة مع القيمر
وفرشته على الكنافة
ورشيت الربع الباقي من الكنافة ، وخلي الحشوة تكون باينة شوي
الآن غطيتها بألمنيوم
ودخلتها الفرن مدة عشرييييييين دقيقة حتى تحمرت شوي من الجوانب
وطلعتها وكشفت الألمنيوم وشغلت عليها من فوق حتى تحمرت
جهزت الشيرة
( طريقتي بالشيرة نصف كوب سكر + ربع كوب ماء + رشة هيل وزعفران .. أخليهم يغلون على النار حتى تثقل الشيرة )
وصبيت الشيرة على الكنافة بعد ما تحمرت
ورشيت فستق مطحون على الوجه
وهذي كنافتي
لا تضحكون على الشكل ترى أول مرة أسوي كنافة
وهنا أقرب إممممممممم
..:: ما شاء الله ::..
والله كانت هشة ولذييييييييييذة وعجبت الأهل بالبيت
وربي يجزاك خير يا الغااااااالية أم عبودي
ولا تنسوني من دعواتكم[/align]
رد مع اقتباس
مواقع النشر