((( صدى المدارس ))) 00 تفضلوا يا بنوتات00

[روائع]

السلام عليكم ورحمة الله وبركاته



موضوع قريته في مجلة وعجبني 00 فحبيت أكتبه لكم نضحك فيه مع بعض 00 احترت احطه هنا او في الركن العلمي لكني أشوف هنا مكانه لأنه ترفيهي شوي 00


مواقف تدور خلف أسوار المدرسة ,, مغامرات وحكايات ,, دموع تعانقها ابتسامات ,, مشاغبات ( بناتية ) كثيرة00 نتهامس بها هنا بعيداً عن دفتر العلامات ووعيد المدرسات والمراقبات 00 في موضوع خاص ببنوتات بيت حواء فقط00



بانتظاركم

[روائع]

مشرفات الركن 00 لو شفتوا مكانه بالركن العلمي رحلوه هناك


طبعاً أنا راح أبدأ

كان يامكان ياسعد ياكرام كان فيه بنت حلوة اسمها قشطة راحت تلعب في الوادي) <<< === خلوكم منها هذي مقدمة للحكايات ما أقدر احكي قبل لا أقولها خخخخخخخخ

المهم 00
في مرة يوم كنت في 3 متوسط 00 كنت أموت على شي اسمه إذاعة 00 حتى لو مااشتركت أروح أوقف مع البنات زينة بس عشان الكل يشوفني
كنت أشبك لهم المايك وأرتبهم كأني الأبلة المشرفة على الإذاعة
وهذاك اليوم كالعادة رميت شنطتي في الصف ورحت للغرفة الخاصة بالاذاعة أبغى أركب المكرفون وجمعت شلتي اللي كانوا معايا ورحنا مع بعض0
فتحت المايك وماكان يطلع صوت كان الصوت واطي لآخر درجة عشان كدا حسبته خربان 00 فقلت اليوم شكله مافي إذاعة بجلس ألعب فيه حتى الابلة تجي وأقولها المايك خربان اليوم0
وجلست أتلعب وأنشد وأقول كلام أهبل وبايخ كدا مثلا للللللالاااااالاااااااا بمبمبمبمبمبم هوهوهوهوههوههو
وماشفت الا كل البنات اللي كانوا في الساحة اتجمعوا على باب الغرفة وميتين ضحك 00 أنا استغربت اش جابهم مع انه المايك خربان ومايطلع صوت أتاري وحدة من الشلة رفعت الصوت من الجهاز الكبير واشتغلت السماعات اللي برا في الساحة خخخخخخخخ وجات المديرة وخاصمتني ليش قاعدة استهبل فقلت لها إني حسبت المايك خربان فسامحتني 00
كانت فشلة كبيرة كل ما مريت في الساحة يشوفوني ويضحكوا ماصدقت نسوا الحكاية:o

بكتب لكم حكاية ثانية وأرجع 00

[هديل]

هههههههههههههههههههههههههههههههه


حلوة يالله بنتظارك