ساعدوني الله يجزاكم خير

[همس المشاعر*]

السلام عليكم ورحمة الله وبركاته
خواتي ابغى مساعدتكم

زوجي مره مو طايقني ولا يجلس بالبيت وضربني قبل يومين كله عشان امه

امه قبل فتره سببت لي مشاكل كثيره وتدعي عليه وعلى عيالي وانا والله مارد عليها ولا حتى دافعت عن نفسي
واسكت كله احترام لها ولزوجي واخرتها انا اللي غلطت وهي ماتبيني وتغار مني والحين زوجي مو طايقني وجات عندي قبل فتره بالبيت زياره وجيت اسلم عليها ردتني ماسلمت عليه ولا حتى تكلمني ولا ترد حتى السلام وزوجي يقول اني انا الغلطانه وانا والله شاهد عليه عمري مارديت عليها ولا بكلمه والحين يقول لي نسكن عندها وتخدمينها
هي ماهي كبيره صغيره الله يخليكم ساعدوني والله خلاص تعبت

[المهاجرة1]

يارب الله يكون بعونك ياااااااارب .....اقرئي سورة البقرة في البيت والله ستلاحظين فرق كبير ....وادع لأمه بالهداية واحتسبي صبرك عليها عند الله ....وادع دائما في سجودك وفي آخر الليل ....بالنسبة للسكن مع أمه ماااااافي الا طريقة وحدة استخيري الله دائما صلي ركعتين الاستخارة وصدقيني لو مافي خير في سكنكم مع أمه ما ح تسكنوااااااااااااااااااااااااااااااا وأكثري من الاستغفار والدعاء ....أسأل الله أن يفرج هم كل مهموم ويفرج كرب كل مكروب ...ويهدي الرجال كلهم ...

[أمسيات]

وما المشكلة يا عزيزتي

اسكني مع ام زوجك هل هي وحش أم بعبع

هي امرأة مثلك تفاهمي معها واحترميها وقدريها


وكوني ضيفة خفيفة عليها وكوني متعاونه مطيعة لينة أديبة ولن تري مكروه بإذن الله


ولا بد ان تتغير الظروف يوما ما لا تيأسي ولا تبتأسي


واجتهدي في رضى الخالق سبحانه وهو يحميك من كل سوء وكروه


ولا تنسي انها ام وتحتاج ابنها إلى جانبها فلا تحرميها منه


أسأل الله ان يوفقك ويصرف عنك كل مكروه

[سكرة]

اختي الله يعينك بس حسب كلامك شكل شخصيتك ضعيفه انا اعرف وحده مطلقها زوجها عشان ماعندها شخصيه

انا مااقوللك هاالكلام عشان تطلعين عضلاتك على زوجك وامه لا والله بس عشان يكون عندك شخصيه اذا كنتي على

الحق وماترضين بظلم على نفسك حتى لوكان من طرف ام زوجك بعدين سكوتك عليها مو احترام اعذريني الا غباء

مفروض توضيحي لها انك مو غلطانه وش سويتي لها بعدين ليه تدعي على احفادها شكلها ماهي عطوفه عليهم

يااختى احنا نهين انفسنا وكرامتنا ونقول احترام للغير طيب نفسك اولى انك تخلي غيرك يحترمها ومو عيب لوو ضحتي

لزوجك اسلوب امه وطريقه تعاملها معك حتى لو زعل بس في نفسه مقتنع بس في مثل حالتك اكسبي زوجك

بقوووووووووووووووة عشان امه ماتخرب حياتك بعدين اهم شئ زوجك يرضى عنك اما امه اذا كانت حرمه ماهي

محترمه وتخرب بيت ولدها وسبب في مشاكلكم والله اشوف تعاملينها بما يرضي الله لانها في مقام امك وتحمليها

مهما كان كله عشان زوجك ولو تقليلين الزيارة عليها حتى يهدا وضعك امكن الله يلين راسها عليكم واهم شئ زوجك

والله يعينك ويفك عنك ويسهل امورك ويسخرلك زوجك ويبعد عنكم كل هم وغم وان يرد كيده في نحرة من ارادكم

بسوء وقبل كل شئ اللجؤ الى كاشف الهم الحي القيوم الي عينه ماتنام وتقوى الله ففيها مخرج من كل هم وغم قال

تعالى((ومن يتقى الله يجعل له مخرجا ويرزقه من حيث لايحتسب))





(((((وجهة نظر)))