التحكم في الغيره

[حبيبة ابوها]

سلام ياحلوين تحياتي للكل .....


صراحه جا ع بالي شي ابغا اعرف اش رأيكم فيه ؟!!!


لأن أنا مره طفشت منو .......


الهرجه هيه ياحلوين الغيـــــــــــــــــــــــــره ......


انا مره غيوره حتى على اخواني صراحه مره طفشت من الغيره نفسي اريح دماغي ......


والمشكله انو احيانا" اقوي قلبي وما ابين اني غيرانه لزوجي وتقعد في قلبي تتكوم ويجي بعدها موقف


وانفجر يسير موقف مال امو داعي الصراحه تكون الهرجه ايلي انفجرت عشانها ماتستحق بس السبب


اني مكومه .....

ماعرفت اش اسوي اختي قالتلي لا تبيني انك تغيري عشان لو شاف تكرونيه في الشارع يمكن يستعرض

قدامها بس عشان يستفز غيرتك

ولو بينت الآدمي حيطفش مني ويتضايق وانا بصراحه ما ابغا ابين عشان لا يغتر ويقعد ينرفزني


اش اسوي اش رأيكم ؟

انتو كيف في الغيره ابغا استفيد منكم يمكن وحده منكم تقنعني واروق حبتين .. نفسي اسافر واتمشا

بس موضوع الغيره مخرب عليا .. ابغا اروح انبسط مو اقوللو لا تطل .. عينك في الأرض .. غض بصرك

الحمدلله زوجي ملتزم بس ماخليتو في حالو ودا وهوه ملتزم لو كان عادي كان مداني في شهار دحين


اعطوني ارائكم يا اخواتي وجزاكم الله خير تحياتي

[هتاف المجد]

يا قلبي ... يا حبيبة أبوها...

لو سميتي نفسك غيووورة .. كان أفضل

تصدقين حتى أنا غيووورة ... بس مو لدرجة إني أتحكم في نظراته..


يعني مثلاً.... كان سابقاً... يصافح مرت خاله.. وتصير بنت عمه... وهم من زمااانمع بعض.. و يلعبوا مع أولادها لما كانوا صغاار ... يعني متعودين على بعض وبيوتهم مفتوحة على بعض دايماً... لكن ..الحرمة هذي فيها تحرر شوي....

وبعد زواجي.... أنا أصلاً من زمان أعرفها ولا أرتاح لها... وأول عيد لنا مع بعض ... كانت تسلم عليه من بعيد .. هو في الغرفة وهي في الصالة... وتسأل بصوت عالي ... كيف حالك يا فلان .. كيف حال فلانة....

تخيلي وأنا جالسة اسمع كل شيء وأغلي من جوا ... وزوجي طفشااان وده يخرج بس مافي مجال ....

أنا سكت ومشيت الموضوع.... ومرة ثانية في شبكة أخته ... وبعد ماانتهى العشا وراحوا الناس.. ومافي إلا أنا وزوجي وأخته العروسة ... جالسين في الصالة .... ومادرينا إلا الحرمة جاية .. وداخلة على طووول بدون استئذان...

زوجي خرج مباشرة... وهي ولا عليها ... لا ولابسة قميص نوم تحت العباية..... تخيلي كيف حيكون موقفي...؟؟؟



بس أنا من المرة الأولى ... فهمت زوجي .. إني أغار عليك من الهوا.... وهذي الحرمة بالذات تقهرني ... وحتى لو هي بنت عمك ... ماانت محرم لها .. عشان تسلم عليك... والحمد لله زوجي متفهم الوضع... وحتى هو يمكن يستنى اي موقف يصير عشان ينفك منها ....


وإذا كنا في مجلس وجات الهرجة في زوجي ... مدح وإلا ذم ... ما أحب أحد يتكلم فيه.... حتى لو وحده من الحريم تسألني ... شخبار فلان... تلقيني على نااار ... مادام إنها ما تقرب له ليييش تسأل؟؟؟؟


وبيني وبينك... الغيرة حلوووة بس بحدود.... وأنتبهي لا تزودين العيار يطفش منك زوجك.... وإذا كانت غيرتك بهذا الشكل ... ممكن زوجك يشعر إنك ماتثقين فيه....


عشااان كذا حاااولي تطنشي.... ودايماً حطي في بالك قاعدة ... أنا أثق في زوجي... لست مسئوولة عن تتبع نظراته... إذا اشبعتُ نظره من الجمال الظاهري والداخلي.. فلن ينظر لغيري...

وحتى إذا كنتو تتمشون ... إنتي استمتعي باللي حواليك... ومتعي زوجك معاااك... لا تخليه يحس إن التمشيات نكد وأوامر منك...

صحيح الدنيا مليااانه بأشكاااال من حريم وبنااات فاسخين الحياء... وماتشوفين إلا الماكياج والفساتين اللي يسمونها عبايات... .. لكن أنتي خلي ثقتك بنفسك كبيييرة... ودايما تذكري إنك حفظت جمالك لزوجك... عشان كذا زوجك راح يحفظ عينه ... وماراح يشوف غيرك....


ونصييييحة إذا عندك دش بالبيت.... خرجيييه ... أرمييييه .. وكسربييه...

لأنه مليااان من اللي صبغوا في وجيههم إلين ماقالوا بس.... وحنا اللي في البيوت تلاقينا حالتنا حالة مع المطبخ والغسيل والكوي....


وعن نفسي مررريييحة ع الآخر الحمد لله .... لأني ماعندي غير المجد,.. ومافي حريييم...


ومتى أنقهر من ذيك الأشكال... إذا رحنا فندق... وحط زوجي ع الجزيرة إو العربية....


لكن ريحي بااالك ولا تزعجي نفسك مادام أنك واثقة بزوجك... وإن شاء الله يكون قد ثقتك فيه..


لو مر عليك موقف ... زادت الغيرة عندك... لا تزعجي زوجك... لكن حطي كل اللي بقلبك على ورق... يعني أكتبي كل اللي في خاااطرك... وبعد ماتحسي إنك ارتحتي .... أرمي الورقة او احرقيها....

والله يعينك....



معليش طولت عليك بالفلسفة..... لكن كلنا في الهوا سوا.... بس أنتي فوقي بدرجتين...




مع خالص حبي..............

[@فطيم@]

مشكورة الغالية للموضوع ... اااااااااااه من الغيرة ، ماشي يوقفها ولا يبرد هالنار دام السالفه فيها شخص تحبيه زوووووووووووجش ،،، أمووت غيرة عليه ماأريده يكلم أي أحد غيري ،،، لا يفيد التنفس العميق ولا يفيد عد من العشرة ولا يفيد هدي أعصابش ، إلا أحترق وأحرقه معي ،، لا عندي بنت عمه ولا بنت خاله ولا غيرهن أنا وبس وإلا بسود عيشته ،، ولو الود ودي لما يطلع يختفن الحريم من كل مكان ولا يشوف حتى وحدة ،،، والله يا حبيبتي الغيرة مالها حل ولا حد يقدر يتحكم فيها ،،، وفهالوقت كل شيء يخوف التلفزيون النت المجلات والشاااااااااااااااااااااارع ،،، ليش ما قالوا الرجال يغطي وجهه لما يطلع ما كنا أرتحنا .

[ونين الشوق]

اه ثم ه ثم اه

حرام عليكم حطيتوا النار جنب البنزين

والله انا معذبتني الغيره مرره مررره وخصوصا اذا طلعنا

لان في بنات بصراحه الوحده ماتستحي والرجال مايقصر كل شوي يقزها وستغفر الله والله اخس موقف اللي مثل كذا

لو تدرون عن خالتي وش سوت هههههههههههههههههه

تخيلوا انها تهاوشت مع وحده بصراحه تستاهل لانها تتقرب من الرجال وزوجته جنبه ولا بعد تنحني علي الارض علي

علي انها تبي شي من الارض وهنا جنت جنون خالتي واعطتها من الكلام والضرب اللين ماتدخلوا الناس هههههههههه

ياشين هالموقف ويسلمو حبيبه ابوها