القصة حصلت كما قال لي المصدر (المصدر: كاتب عدل بالمحكمة الشرعية بالمدينة النبوية)
لو تسمجوا لي سأسرد القصة باللهجة العامية..
كان فيه شايب له ثلاث من الاولاد وزوجته توفت - الله يرحمها ويرحم موتى المسلمين - ,,,, وكان هذا الشايب ميسور الحال ,,, قال: خلني ابني لعيالي عماره واسكن كل واحد بشقه ,,, وفعلا سواها الشايب (الله يجعلها في موازين حسناته) ....
يوم خلص من العمار قال لعياله: يااولادي انا ابي سعادتكم وابيكم بس تهتموا فيه انا انسان كبير ومابقى من عمري كثير ....
رحب الاولاد بالفكرة ( حلوه رحبوا بالفكره دافعين من جيوبهم ) فكان الشايب يتنقل بين بيوت عياله كل فتره عند واحد منهم .........
راحت الايام والشهور والشايب مايدري ايش يكيد له اولاده وزوجاتهم ....
ملاحظة ( دايم ياخوان ادعوا الله بالزوجة الصالحة ... لان بعض الزوجات وبال على ازواجهم )
اتفقت اللجنة الثلاثية (يعني عياله الثلاثة) على حيلة وطبعا بمباركة من زواجاتهم ...
( وطبعا هذا من الاتفاقات التي يتم تطبيقها بحكمة وارادة لاجل الصالح الخاص ) مغايرا للمثل الذي يقول (اتفق العرب على الا يتفقوا)
راح الثلاثه الذين تخلفوا الى دار الرعاية الاجتماعية وقابلوا مدير الدار وطلبوا منه انه يجهز احد الغرف الخاصة لابيهم وهم يقومون بدهن الجدران (معتق مع بروز مكسيكي) ووضع سرير (طلبيه من ايطاليا) ....
وافق المدير على ان يأتوا في عصر اليوم التالي مع ابيهم (جايبينه في يخت بري) ....
دخل الاشقياء الثلاثة الى الغرفة وكانوا يسولفون ويتبادلون الاحاديث الودية (شفرات دفنشي) انسحب الاصغر >>>>>>> ثم الاوسط >>>>>>>> ثم الاكبر >>>>>> ثم من ((((( ؟؟؟؟ )))))
ثم بقي هذا الاب بين اربع جدران لايدري ماذا سيكون.....
اذن المؤذن لصلاة المغرب وكان الاب ينتظر ان ياتي الابناء وهو لا يعلم اين هو الى هذه اللحظة خرج من غرفته ورأى جموعا من كبار السن (غيرك كثييييييير ياوالد ) سأل اين انا ؟؟؟؟
فرد عليه احدهم: انت في دار رعاية المسنين !!!!!!
صدمة قوووووووية .... كيف تحملها هذا الشايب المسكين (لاحول ولا قوة الا بالله )
بحث عن المدير المناوب او المسؤول المناوب فسأله وياليته لم يسأل (انت ياوالد في دار الرعاية الاجتماعية (مسوي ان اسمها حلو) نحن هنا نهتم بكبار السن >>>>> الشايب: طيب وين اولادي >>>>> المسؤول:حطوك عندنا وراحوا وان شاء الله يزورونك يوميا (يرقعها) >>>>>>الشايب: (وبعد برهة من الصدمة وقف الشايب يفكر والقلب يعتصر من الالم ) طيب ممكن توديني بكرة اصلي الفجر في المسجد النبوي >>>>>المسؤول: ابشر ياوالد >>>>>>الشايب:بارك الله فيك .............
( ماادري يومها نام الشايب المسكين والا مانام )
راح الشايب يصلي الفجر في المسجد النبوي وانتظر حتى تفتح المحكمة الشرعية (لانها قريبه من المسجد النبوي ) راح لكاتب عدل ....... وكانت المفاجأة ؟؟؟!!!!
وش تتوقعون
ودي اخليها في الحلقه القادمه عشان اشوقكم اكثر واخليها قصه ماتنسي
بس راح اقول لان الاولاد اللي نايمين في احضان زوجاتهم خلهم ياكلون هوااااااااااااااااااااااااااا
قال لكاتب عدل:::: (( ياشيخ انا لي عماره وابي اخليها وقف لله تعالى ))
بيض الله وجهك ياهالشايب والله انك سنايدي
طبعا الشايب رجع لغرفته >>>>>>>>>>وصار اللي ماكان يتوقعه اولاده <<<<<<<<<<<<<<
بعد ثلاثة ايام من روحته للمحكمة توفى الشايب ( عليه رحمة الله وعليه مني ومن كل مسلم غيور سلام وبركات من الله)
يااااااا الله .......والله قوية .........قوية
""رغم انف ثم رغم انف ثم رغم انف من ادرك والديه او احدهما ولم يبرهما "" او كما قال عليه الصلاة والسلام ......
تخيلوا يااخوان ايش اللي استفاده هؤلاء الاشقياء الاغبياء الـ ..............................
خسران في الدنيا وخسران في الاخرة ............
تكفون يااخواني واخواتي اهتموا في والديكم وطيبوا لهم الكلام واحسنوا عشرتهم (( والله راح تلقونها في عيالكم)
كما تدين تدان ....
انا اسف طولت عليكم واتمنى التفاعل مع الموضوع لانه موضوع مهم وغافلين عنه الناس
اخوكم المحب/ لـــون
منقول
رد مع اقتباس
مواقع النشر