صينيه الرقاااااااق باللحمه المفرومه ( للعيد)
بسم الله الرحمن الرحيم
كل عيد وانتن جميعا بخير وصحه وعافيه
انا جايبه لكم النهارده طريقه عمل الرقاق باللحمه المفرومه
علي الطريقه المصريه الاصليه
يللا نقول المقادير والطريقه:
بسم الله نبدأ
المقادير:
8 ورقات رقاق وحاوريكوا صورته علشان تعرفوه
سمن سايح
مرق لحمه
ربع كيلو لحم مفروم معصج بالبصل والتوابل
دي المقادير
ودي صوره الرقاق
الطريقه:
اولا نجيب صينيه متوسطه
وندهنها سمن كويس
وبعدين نبل ورقه رقاق بالمرق كويس
وده الرقاق وهو مبلول بالمرق
ونحطها بالصينيه حنعمل كده في نصف الورق
نبله بالمرق ونرصه فوق بعض بالصينيه
وبعد كده حنحط اللحمه المعصجه علي الرقاق
وبعدين حنبل باقي الورق ونرصهم فوق اللحم المفرومه
يعني 4 ورقات رقاق ولحمه معصجه و4 ورقات رقاق
وبعدين رشي وش الرقاق بالسمن
ونحط الصينيه بالفرن من تحت زي الكيكه بالظبط
لغايه ما وشها يحمر
ولما تطلع بنحط عليها حوالي مغرفه واحده مرقه
ونغطيها حوالي 5 دقايق وبعدين تقلب وتقطع
ملحوظه لو عايزه الرقاق بيقرمش بعد ما تطلع من الفرن
لا تغطيها ولا تضعي عليها المرقه
يعني اول ما تطلع تقلبيها وتقطعيها
وبالهنا والشفا
جربوه وان شاء الله يعجبكم
لا تنسوني من الدعاء
المشاركة الأصلية كتبت بواسطة قمرالليل الجميل
مواقع النشر