اكاد اموت من الحزن حاله جديده علي

[فروحه نت]

[align=center]حبيباتي الله يفرج همومكم ويحرم وجوهكن عن النار
انا الان حامل حملي الثاني وسعيده به جدا وانا تقريبا في نهاية الشهر السادس
المشكله ياخواتي من شهر تقريبا جتني ضييييييييييييقه في صدري وهم وحزن ونكد وعلى طول ابغى ابكي وبعدت عن زوجي نفسيا وماصرت ابغى اشوف احد بالدنيا الاولدي
ودموعي ماتوقف والنوم صار صعب المهم انا خايفه تزيد حالتي بعد الولاده ويجيني اكتئاب

الله يخليكم حبيباتي اللي مر فيها زي حالتي اوتعرف شي تطمني ساعدوني اللي فيني كافيني


تحياااااااااااااااااااتي
اختكم فرووووووووووووووووووووووحه[/align]

[ام نونـا]

الله يكون بعونك حبيبتي انا تجيني بس على اخف شوي


حتى ودي اقعد لوحدي



حاولي ياقلبي دايم تقرين قران


ونسي نفسك وروحي للجيران ان عندك احد جنبك وماخذه عليها


روحي اجلسي كم يوم عند اهلك


وانتبهي لاتحسسي زوجك بهذا الشي لان للاسف الرجال مرات مايقدرو الحاله النفسيه اللي نمر فيها



الله يهون عليك حملك ويرزقك الذريه الصالحه

[نوووش]

السلام عليكم اختي فروحة

فرج الله عنك و رفع عن قلبك الهم و الحزن و الضيق

يالغالية احيانا كثيرة تمر الامهات و الحوامل بهالحالة بسبب تغير الهرمونات في الجسم سواء في فترة الحمل او بسبب الدورة الشهرية

فذا شي طبيعي حبيبتي

انا تراني مريت بنفس الحالة في حملي الاخير بس مو بنفس الدرجة

تدرين.. لدرجة اني استسمحت من زوجي و اهلي و قلت لهم لو حد زعلان علي حللوني و سامحوني لو ما طلعت من الولادة ولا لو ما طلع علي الصبح

والله ليالي كنت انام و انا في بالي اني ما راح اقوم الصبح و حالتي النفسية حالة

بس استعذت بالله و استعنت به و اكثرت من قراءة القران


تذكري.. )( الا بذكر الله تطمئن القلوب)(


الحين شوفيني بخير و عافية وابني عنده شهرين الحين و لله الحمد

ان شاء الله فترة و تعدي يالغلا بس انتي اكثري من ذكر الله و قراءة القران و ان شاء الله ربي بيجعلهم سبب لابعاد الضيقة و الهم من قلبك

وربي يتمم لك حملك على خير و يرزقك ولادة سهلة باذنه

[حرم تركي]

الله يسهل عليك يالغااااااليه

وتعوذي من الشيطان وان شاء الله مالك الاالعافيه

وهذا شيء عابر وان شاء الله بعد الولادة ترجعين لطبيعتك

وحاولي انك تتغلبين على وضعك ووتقربين من زوجك

والله يقومك بالسلامه