كيكة التفاح بالجوز (عين الجمل )اللذيذة ... لاتفوتكم جناااااااان
هلا وغلا
امس سويت كيك التفاح اللذيذة وقلت عاد لازم اخواتي الغاليات يجربونها ويذوقونها وتراها والله سهلة بس لذيذة موت طعمها جنااااااااان
نجي بالمقادير :
بيضتان
كاس وربع سكر
يخفق البيض مع السكر جيدا
ثم يوضع
نصف كاس زيت ويخفق ثم
ثلاثة ارباع الكاس حليب سائل ( حليب بودرة + ماء )
ثم ملعقة كبيرة بيكنج باودر وملعقة صغيرة فانيلا
ونستمر بالخفق مع وضع الدقيق تدريجيا (كاس وثلاثة ارباع الكاس )
ونستمر بالخفق
ونكون قبل تحضير خلطة الكيكة جهزنا تفاحتان حمراء مقشرة ومبشورة ونخلط معها ملعقتين جوز الهند وملعقتين قرفة ( دارسين )
وهذي صورتها :::
وناخذ ملعقتين من خلطة التفاح ونحطها على خلطة الكيكة
ونصب خلطة الكيكة بالصينية ونوزع باقي التفاح فوق الكيكة ونحط فوقها جوز مجروش وتدخل الفرن على نار متوسطة حتى تستوي الكيكة ونحمرها من فوق شوي ...
وبعد ماتطلع من الفرن نصب فوقها ربع علبة حليب محلى او اقل من الربع على حسب الرغبة وتترك تبرد قليلا
وهذي صورة اقرب :::
وهنا للحلوين اللي بيردون :::
ها بامانة ايش رايكم فيها شكلها لذيذ صح ... بس ماراح تحكمون عدل الا اذا سويتو مثلها وشرفتوني بالردود
وعلى فكرة في اخت بالمنتدى وهي ( للمحبة عنوان ) حاطة طريقة تشبهها وقلت لها بالموضوع اني راح انزل طريقتي باذن الله ....
ويالله شرفوا تذوقوا وعطوني رايكم
رد مع اقتباس
مواقع النشر