reemar والفصفص تعالوا واسوني اهئ اهئ
السلام عليكم ورحمه الله وبركته
كيفكم يا صبايا والله انكم وحشتوني حييييييييييييل وعارفه اني صرت قاطعه بس والله الغربه صعبه
ومليت حتى من نفسي مالي اخلق كل شي المهم مو ذي المشكله
خلوني افضفض من القهر دقيقه بعدل الجلسه.........
تعرفون اني لحالي بامريكا لا حولي ولا حوالي حتى منور قاعده اللحين تاكل من هالمفاطيح عند اهله...ما شاء الله
بدايه ماساتي
الناس على وجه رمضان ودقوا الاهل علينا ويسالون وش الاغراض اللي نبيها من السعوديه على شان نقضي
عليها في هالشهر الكريم..
الاهل سألوا ابو الشباب وش تبي من اغراض قال ابي قهوه وتمر <<<<<لازم حتى واحنا في امريكا
قالو طيب طلبات المره <<<<يقصدوني انا ا حبي لي صايره مره عندهم
المهم قال وش تبين قلت ابي من امي بهارات ...وادق على امي قالت ابشري يا بنيتي ما طلبتي شي ..عاد انا بغيت ابكي
المهم جينا للمشكله اللي هي مربط الفرس ....الا وهي
دقت على احتي دحدح اللي هي بنت الدوحان كانت معانا بالمنتدى بعدين انقطعت
وش تقولي دحدح..وش رايك يا ريمار نرسل لك فصفص من بااااااجه يحبه قلبك ...عاد انا والفصفص شي مو طبيعي
بيننا اتفاق داااااااائم واذا جلست على الكيسه ما اقوم الا براطمي بيض من الملح اللي بالفصفص
بس دحدح تقول برسل لك نوعين المهم قلبت الفكره براسي قلت يالله بس دقي على اخوي خليه يشتريلي
المهم الله يجزاه خير اخوي يابعد قلبي شرالي الفصفص اللي ابيه ...واهلي لما شافوه ماتو من الضحك
يقولون عز الله ما راح تكمل دراسته بس بتجلس بالبيت وبتاكل فصفص
المهم جاء اخو زوجي ياخذ الاغراض من اهلي على شان يرسلهم
ونفس الحاله شاف الفصفص وضحك وراح قال لزوجته واهله بس انا ما علي منهم اهم شي الفصفص ياصلني
ولما ارسلو الاغراض وانا بس افكر متى يجي الفصفص واقعد انا وابو الشباب نقشم
لا وزوجي يقول ترا برسل لصديقي شوي قلت له والله لو تموتون ما فيه وهواش وحاله على الفصفص
وجاء الفرج دقوا علينا الجماك قالو تعالو خوذو الاغراض وصلت
والله لما قالي زوجي ان الابتسامه من الاذن لين الاذن ابي الفصفص
وادق على امي ابشرها ان الفصفص وصل
ولما دخل علي ابوالشباب وينزل من كراتين التمر واخياش القهوه وانا ابي كيسه اهلي
ولما شفت الكيسه على طول عرفتها وانا ببكي من الفرحه واقول لزوجي كيسه اهلي وفراحاااااااانه اول مره ياصلني من اهلي شي
وافتح الكيسه الاولى والقى البهارات وافتح الكيسه الثانيه والقى المسمنه <<<بهارات الجريش والقرصان
واشوف كيسه باجه حقت الفصفص وانقض عليها الا الكيسه فاضيه
واجلس اطالع زوجي ...... وين الفصفص ؟؟؟؟؟؟
وندور بالاغراض ما فيه شي لا رائحه ولا شكل اقول متاكد هذي كل الاغراض يقول ايه مكتوبه بورقه
تخيلو يا بنات الجمارك الامريكيه رفضو يدخلون الفصفص حقي وانا لي 3 اسابيع استنى الشحنه تجي ابي الفصفص
ولا حصل يا حياتي انا بس يعني محرومه من كل شي
محرومه من
شوفه امي وزواج اختي واللحين الفصفص
آآآآآآآآآآآآآآآآه والله يا كبدى فيها حرقه على الفصفص المصري
ومن امس وانا مقهوره ومصدومه من هالجمارك اللي اخذو فصفصي عسى الله يحرمهم اغلى ما عندهم ويا جعل للي
ياكله للسوس
وبس انتهت ماساتي والى اللقاء مع حكايه ثانيه من غربتي اللي تعور القلب
رد مع اقتباس
مواقع النشر