يلا نحارب مافي وقت وياويل إللي ماتلتزم (تحدي للقويات فقط)

[رشاقه]

[align=center]السلام عليكم ورحمة الله وبركاته

ندخل في الموضوع على طوووووووول لأنو مافي وقت كثير معانا

راحت 10 أيام من رمضان وأنا أسوي تخفيف ورياضه ومافي نتيجه ,,

قررت أسوي رجيم السوائل .. << لاتخافوا ماراح نموت من الجوع لأنو في السحور ممكن تاكلي

من 8- 10 لقمات أو ملاعق من الأصناف إللي تحبيها

بــــــــــــــس

مع ذلك مافي تخبيص لازم الحزم لأنو زي ماقلت مافي وقت للعيد

ومن الشروط .


الغازيات ممنوعه منعا باتا.. وإللي تشربها تعتبر نفسها خسرانا مو معانا

وكمااااان الحلويات والشوكولاته ممنوعه . ولو نفسك في حلا .. موجود في المنزل أمامك

جيبي ورقه وأكتبي هذا الحلا .. وتاكلي في العيد بإذن الله

لأنو نفصان الوزن طعمو أحلى من الحلى << ولا إيش رايكم !؟

كمان المقليات ممنوعه ولو نفسك في سمبوسه أعمليها بالرقاق وأحشيها بالخضار أو الدجاج المسلوق

أو حتى اللحم بدون إضافه دهن أو بالجبن قليل الدسم .. ولو نفسك في بف أعمله بنفس الطريقه وبالفرن

ولو نفسك في بيتزا أعملي الصلصه بدون زيت أو بملعقه زيت زيتون وبعدين تدهن على التوست

وتوضع الخضروات عليها فلفل رومي زيتون وجبنه قليله الدسم و أعمليهم بالفرن

وبكدا نكون خففنا كمــــــــــــــان في السحور



.. ولحد مايجي السحور ..

تاكلي في الفطور 1-3 تمرات+ كوب لبن قليل الدسم

وماء كاستين..

وبعد كده سوائل إلى وقت السحور (شوربه - عصير - ماء - لبن - حليب - قهوه - نسكافه - شاي أخضر

أعشاب مثل النعناع الزنجبيل - شاي )



وأنا عملتوا أمس ونزلت 400 جرام

واليوم الفطور عال العال وتمام..


وبالنسبه للرياضه

مشي قبل الفطور 20 -30 دقيقه

وبعد الفطور بساعتين ثلاثه رياضه 10-15 دقيقه

والهدف عندي نزول 10 كيلو من 75 إلى 65 كيلو

عشاااااااااااان العيد السنه هذي يكون غير وفرحتوا غير ومنظروا غير وشكلوا غير

آمين
















أستنوا كمااااااااان من الشروط التفاعل والحماس والتشجيع والمثابره والإصرار والإراده

وإللي تدخل تكتب وزنها وطولها وهدفها إللي تبغاه في العيد

ولازم نمشي على الرجيم تمام وبلاشي أي رجيم تاني لانو مافي وقت صراحه




أنتظر المشتركات ..

وبالتوفيق..[/align]

[رشاقه]

الحمد لله أنا أمس مشيت تمام واليوم

كماان فطرت تمام

والباقي سوائل .. إلى السحور

وكمااان الرياضه 20 دقيقه .. قبل الفطور

وباقي مابعد الفطور بساعتين ثلاثه << يعني الرياضه


وسلاااام

[عطر المحبه12]

يعطيك العافيه

على الفائده هذي

انشالله ببداء فيه من اليوم

[رشاقه]

هلا بعطر المحبه12

ويلا نشد حيلنا .. وياويلك من التخبيص << بدأنا >> خوفتك صح

أمزح ياعسل .. بس لازم نشجع بعض

وعلى فكره نسيتي شرط من الشرووووووووووط




وهو إنك تكتبي الوزن والطول والهدف إللي تبغي توصلي له في العيد

أنتظرك..