ساعدوني ....ماذا افعل مع زوجي

[إمبراطوره]

الله يكون بعونك

قرأت رأس الموضوع

والموضوع مكانه غلط

المفروض بقسم الحياة الزوجيه

تواجد الفتيات هنا أكثر والمتزوجات هناك أكثر

ع العموم أكثري من الأستغفار وربي يفرج همك

اللهم آمين

[بحر الدموع]

[align=center]عزيزتي قلبي معاك والله تأثرت كثير بكلامك , واحسست بغصه لألمك ..

صحيح كلام البنات ,, اكثري الدعاء ,, والاستغفار ..

وبعدين ياقلبي مافي احسن من الصراحه ..

حاولي تسوي معاه جلسة صراحه , وخليها بحركات حلوه ..

يعني بتفصيل ,, استني عودته للبيت ( طبعاً غير العوده من بعد الدوام عشان ضغط العمل ؟)

يعني ممكن بعد صلاة العشاء , او اذا طلع يشتري اغراض للبيت او او .............

المهم .............

نيمي بنتك قبلها ,, عشان يكون البيت هادي ومافي شيء يشغلك ..

جهزي الغرفة اللي تجلسون فيها مو غرفة النوم !!!!!!!!!!! عشان ما يفهم ان الغرض شيء ثاني ..

لان الغرض من وراء هذي الجلسة الحوار الجاد ,, والصراحة ..

جهزي الغرفة بالإضاءة الخافته او الشموع ..

جهزي عصير ليمون بطريقه جذابه .. طبعاً كلنا عارفين فوائدة في تهدئة النفس ..

البسي لبس حلو بس مو شرط يكون مثير ,, ( لو كان لبس ما سبق ان شافه يكون افضل )

لو قدرتي تجيبي ورود طبيعية احمر وابيض يكون حلو ..

اكيد انتي قاعده تتخيلي معايه كيف حيكون الجو ..

المهم يوم يوصل زوجك ,, استقبلية إستقبال حلو ورايق ومعاك وردة بيضاء ..

وقوليله إنك ودك تتكلمي معاه في موضوع مهم ..

إذا تهرب وقال تعبان أو مشغول أو .........

قوليلة إنك ما راح تاخذي من وقته كثير .. بس كلمتين وروح مكان ما ودك ..

خذية للغرفة اللي راح تجلسون فيها وإنت ماسكه يده جلسيه وأعطيه وردة حمراء مع كلمة حلوه ..

ثم قدمي العصير طبعاً كأس له وكأس لك ,,

أجلسي جنبه ,, مو قدامه أو بعيد عنه ,, وأمسكي يده ..

وقوليله طبعاً بعد مقدمااااات كااافيه .. عن مشاعرك له ..

قوليله إن الجلسة هذي بينكم راح تكون جلسة صراحه ..

ولازم تكون صافيه زي صفاء الوردة البيضاء ..

وانه لازم يقلك إيش اللي في نفسه ..

وان ودك يكون أسعد انسان , عشان كذا لازم يصارحك بكل اللي يتمناه بالتفصيل ,,

زي إنك تنحفي مثلاً .. وحاولي تحسسيه إنك راح تسوي كل اللي يطلبه منك ..

في إيش نفسه ,,وإيش يعجبه وإيش ما يعجبه ..

وإن كل شيء راح تغيريه بس عشانه هوه وحده ..

أكيد فاهمه عليه ..

وبعدين في نقطه ... بالنسبة لهجرانه لك 3 او 4 شهور هذي تشكك !!!!!

وبدون ما تزعلي أحس مو طبيعي الرجال يغيب عن كذا الا إذا كان مكتفي ..

حاولي تعرفي منه إذا في احد في حياته غيرك شاغله عنك ..

خلاص ماراح أكمل حكي لأني بصراحه شكاااااكه .. وأخاف بدل ما أنصحك أخرب عليك ..

بس صدقيني لو وصلت معاه لدرجة الصراحه الجاده جداً جداً جداً ..

راح تنتهي مشاكلك ..

لأن الامور حتكون بالنسبة لك أوضح ..

صدقيني جلسة الصراحة الجادة نفعتني كثير في حياتي ,, لأني أنا وزوجي كنا سالب وموجب ..

مانتفق ,, بس جلسات الصراحة تخلي الواحد فينا يقول إيش اللي وده يكون في شريكه

بدون مشاكل وصراخ .. ويتم الاتفاق عليها بنفس راضيه دون اللجوء لأحد ..

والله ياعزيزتي أدعيلك من كل قلبي الله يصلح الأمور بينكم ..

ولا تنسي تمري على المواضيع اللي قالولك عليها الاخوات ,, واكييييييد راح تلاقي لها صدى في حياتك ..

وحطي في بالك إن الإبتكار والتجديد يجدد الحياه والحب وكل شيء ..

لا تنسي الإبتكاااااااااااااااار ..

آآآآسفه طولت عليك ..

الله يوفقك ,, دمتي بود .. [/align]

[فايعه]

ربي يصبرك استمري بلاستغفار وحالي انك تتبعي عيونه يمكن يبغى منك شي موموجود فيكي اتجنبيه وراقبيه بدون مايحس فيكي عزيزتي صارت مطالب رجال الايام هاذي صعبه من كثر مايشوفون خليكي واثقه بنفسك وعيشي حياتك بس لاتشدي معه تحملي وشوفي اخرتها معه حاولي انك تخليه يشتاقلك ربي يصلح حالك ويسخرلك زوجك

[Nature]

انا اضيف على كلام الاخوات انك لازم تحاولي تخففي وزنك حتى لو كان مثالي
هذا شي يساعدك تخسي اسرع لانك اساسا مو سمينة

كمان ليش ماتهمتي بملاحظاته ؟؟ عشان تحاولي تعالجيها
حاولي تدخلي نادي رياضي منه تنزلي وزنك ومنه تكسبي صحة ولياقه اكثر وهذا الشي حيساعدك
لاحظي الحاجات الي تثير اهتمامه او تعجبه وسويها ، وابتكري فيها
حسسيه انك مهتمة انك تسعديه وترضيه بس مو لدرجة انك تجي على نفسك ، يعني بحدود
لما يعلق على شي سواء بالسلب او الايجاب ركزي في كلامه لانه حيكون فيه اشارات معينة لو فهمتيها حتساعدك في علاقتك معاه
لا تحاولي تتهميه انه مريض لكن عبري بطريقة ثانية انك مثلا تحبيه وتتعبي لما يبعد عنك او تحسيه طفشان
حاولي تحني عليه لانه مهما كبر بيكون طفل صغير محتاج حنانك ومحتاج صبرك ولاتحسسيه انك تجامليه او تسوي اي شي غصبا عنك عشان يحس بقيمته

ركزي على هذي النقاط بالاضافة للاستغفار والدعاء له بالهداية وانه ربنا يسخره لك ويهديلك قلبه
وربنا يعرفنا عنك اخبار طيبة