..~ طريقة عمل فينو هش ...~

أحلى ورده · 30-01-2009, 11:38 PM

السلام عليكم يا غاليات

ما تتخضوش بالنسبة لى
الموضوع فعلا محتاج الفرح ده كله

لا يخفى على الكثير منكن إنى
كان نفسى أوى أعمل رغيف الفينو
المصرى أبو 15 قرش أو كان ب15 قرش
على رأى شخبوطة الغالية
وأخيييييييييرا وبعد تجارب عديدة
وأنا بأقلب فى كشكول المطبخ بتاعى
لاقيتنى كاتبه طريقتين واحدة مكتوب جنبها
منتدى لك بس مش مكتوب مين والتانية مكتوب
جنبها الشيف أسامة السيد
قلت يعنى هأخسر إيه أما أجرب وربنا يسهل

وفعلا كنت متفائلة وكانت النتيجة مفاجأة بكل
المقاييس لأن الطريقتين نجحوا والحمد لله
والعيش هش وطرى وفعلا فعلا أبو 15 قرش هههه
فكرنى بسندويتشات أمى حبيبتى
ودى صور للتشويق

أولا : طريقة المنتدى

وجزاها الله خير صاحبة الوصفة الأصلية
وللأسف موش فاكراها بس هى فى الغالب
العزيزة هنلى

المقادير
م ك خميرة فورية
م ك سكر
1/2 كوب ماء دافئ
2 م ك زبدة
2 م ص ملح
1/2 كوب حليب دافئ
5 كوب دقيق أو حسب العجين ما يآخد
1 كوب ماء دافئ

الطريقة
تضاف الخميرة مع نص كوب الماء والسكر وتترك تختمر لمدة ربع ساعة

بعد التخمير تضاف إلى باقى المقادير ونضيف الدقيق بالتدريج حتى تنفصل العجينة عن الإناء وهتكون ملزقة شوية ما تقلقيش
ملحوظة : أنا عملت نص المقدار للتجربة وكان المفروض أضيف 2.5 كوب دقيق لكن أنا عملت 2 فقط وكانت العجينة متماسكةومطاطية

نترك العجين فى إناء وتترك ساعة أو أكتر
وتغطى بفوطة مبلولة إلى أن يتضاعف الحجم
ثم يتم التشكيل وتترك لترتاح ربع ساعة أخرى
أنا فى الحقيقة سيبتها حوالى 40 دقيقة
ثم يدهن الوجة بالبيض وممكن نرش سمسم وحبة البركة
أنا مدهنتش الوجه سيبتها كده
وتدخل فىن حار 400 فهرنهايت أو 180 سيليزيوس
وتترك يا دوب 10 دقايق موش أكتر علشان العيش ما ينشفش وممكن تفتحى الشواية إنتى بقى ومزاجك فى لون العيش ومدى طراوته ولما يخرج يغطى بفوطة ويترك إلى أن يبرد علشان ما ينشفش
ثم فى أكياس وفى الفريزرويسخن عند الإستخدام
أترككم مع الصور

أنا أفضل تشكيل العيش بهذه الطريقة يلف كالحبل ثم نضغط عليه بالنشابة أو باليد نبططه شوية

بعد التخمير ما شاء الله

وبعد ما خرجت من الفرن

إنتظرونى فى الطريقة التانية
هأودى حسن المدرسة بس وراجعة أكمل بإذن الله

أحلى ورده · 30-01-2009, 11:40 PM

الطريقة الثانية
طريقة الشيف أسامة

المقادير
م ك خميرة فورية
1 م ص ملح
1 م ك سكر
1 م ك حليب بودرة
2 م ك زيت
2 1/4 كوب ماء دافئ
5 كوب دقيق

الطريقة
تخلط المقادير الجافة مع بعضها أى الدقيق والخميرة والملح والسكر والحليب البودرة

يضاف الزيت إلى المقادير السابقة ثم يضاف الماء بالتدريج ونعجن حتى يتداخل العجين أنا إحتجت 2 كوب ماء فقط

يوضع العجين فى وعاء ليختمر حوالى ساعة
ثم يقطع العجين قطع متساوية حسب الرغبة ويكور
وترش قطع العجين بالماء ثم سمسم أو حبة البركة وتترك لتختمر مرة أخرى حوالى 45 دقيقة
تخبز فى فرن حار 18- أو 400 كما سبق لمدة 25 إلى 30 دقيقة أنا تركتها فقط 15 دقيقة وكانت القشرة هتبتدى تنشف لذا أنا أفضل 10 دقائق وزى ما قلنا ممكن نفتح الشواية لو عايزين لون العيش أغمق وكله حسب مزاجك إنتى
والآن مع الصور

بعد التخمير ما شاء الله

نلاحظ إنتفاخ العجين بعد التخمير الثانى

ودى الشلة كلها

منظر داخلى لعيش أسامة

وده منظر داخلى لعيش المنتدى إشمعنى هو يعنى

وأخيرا الساندوتش أبو 15 قرش بتاع والدتى

وده الكيزر

أتمنى إنه يكون عجبكم بس فعلا راااائع
أخيرا عرفت أعمل فينو هش وحلو
باركولىىىىىىىىىى
لولولولولى
منقول يالغاليات

الورد الاحمر · 31-01-2009, 02:36 AM

ماشاءالله شكلها رااااااااااااااااااائع
تسلم ايدك جميل جدا تسلميييي

لا تحزنين · 31-01-2009, 07:51 AM

يعطيكي العافية على النقل

ودي أتعلم · 31-01-2009, 01:32 PM

مشكوووووووووووووورة يالغالية على النقل الراااااااااااائع

نرجسية2008 · 31-01-2009, 06:14 PM

رووووووووووووووووووعه ماشاء الله تبارك الله

نعومة84 · 01-02-2009, 01:39 AM

نقل مميز بارك الله فيكي

أحلى ورده · 01-02-2009, 07:58 PM

أعذروني يالغاليات ماقدرت أرد عليكم وحده وحدة

لأن المنتدى مو مضبوط عندي

حياكن الله

سجي 22 · 01-02-2009, 09:44 PM

بارك الله فيكي

	اختاري لونك :
	» شبكة بيت حواء » مطبخ حواء » قروب حواء » دليل الإسرة » جوالها » الطب النبوي » أسماء المواليد » جمال حواء » بيتك » يوتيوب حواء » ألبوم الصور » معرض البطاقات » أريد حلاً » الفتاوى الجامعة » ابتسامات بيت حواء » مركز التحميل

أدوات الموضوع
مشاهدة صفحة طباعة الموضوع أرسل هذا الموضوع إلى صديق

..~ طريقة عمل فينو هش ...~

المعجنات و الساندويشات و الفطائر و البيتزا اللذيذة