العاشقة الصغيره
في مكتب رئيس التحرير…
خالد:برافو بشار مقاله خطيره طرحت موضوع جريئ ومهم يهم اي قارء
بشار:العفو كل هذا بفضل تشجيعك لي
خالد:وانت انسان مجتهد وتستحق التشجيع يالله قوم حضر لنا مقاله خطيره مثل هذه تسوي ضجه السبوع الجاي
بشار:هههههه مقاله خطيره خليتني احس انها قمبله وبتنفجر
خالد:هههههه وفعلا هي قمبله في عالم الصحافة قليل جدا من الصحفين يطرحون مواضيع جديه ومهمه تلمس الوتر الحساس وانت سويتها ويالله وريني السبوع الجاي شنو راح تكتب
بشار:ان شالله تكون المقاله الجايه احسن من هذه يالله انا استأذن توصي بشىء
خالد:لا ابد باي
خالد هو رئيس تحرير المجله اللي يشتغل فيها بشار خالد ب42 من عمره رجل وقور واشتغل بصحافة من شبابه ويشجع الصحفين الموهوبين ..
اما بشار شاب مجتهد ب29من عمره وسيم وذكي وطموح لكن يحب دايم الهو والتسليه يعني عايش حياته خصوصا انه مو متزوج ووحيد وما يعرف شىء عن اهله يعني مستقل بحياته
دخل بشار مكتبه وهو مبسوط ويغني ويرقص
بشار:انت علي بال ياعيوني يا عيوني غيرك ماطال اجفوني تاتا
سالم وهو صحفي وشريك بشار بنفس المكتب:الحمد لله والشكر اشفيك مبسوط لدرجه اكنك راح تطير
بشار:اطير ياريت كان عندي اجنحه عشان اطير
سالم:عيل عرفة الموضوع شغلتين انت تطير من الفرح بسببهم الاوله انك شفت بنت وتعرفت عليها
بشار:وثاني شىء
سالم:انك شفت بنت وراح تطلع معاها
بشار:ههههههه ما افرقت بين الأوله والثانيه
سالم:ايه لان حياتك كلها بنات واللي يعافيك علم رفيجك الغلبان هذا اشلون يتعرف علي بنت ياناس بنت واحده تكفي
سالم يفتقر الوسامه او اللباقة مع البنات علي شان جذي لغاية الحين ماتعرف علي اي بنت
بشار:هههههههه التعرف علي البنت يابيله فن
وقام بشار وجلس علي مكتبه وهو يقول وماسك القم بايده:البنت مخلوق جميل وحساس لازم تعامل معاه بلطف و…
سالم وهو مستعجل يدور علي ورقة وقلم وراح ركض عند بشار:قولي الله يخليك وحده وحده الخطوات اشلون اخلي بنت تعجب فيني
بشار وهو يكلم حاله:من هذه الهبله الي تطالعك
سالم:بشار هي..وينك امانه قولي
بشار:ها... لا.. كاني معاك اقول اكتب اولا:لازم ما تشوف بنت حلوه تطالعها بنظرات لها معنى
وطلع شوي من المكتب وقاله شوف البنت اللي هناك اشلون اطالعها
وقام وطالع بنت كانت قاعده علي الكرسي
سالم:شنو قصدك بنظره ذات معنى
بشار:يعني مو نظره عاديه يعني اكنك تقولها انا متعمد اطالعج مو صدفه
بشار:اما ثاني شىء ابتسم ابتسامه لها معني
سالم:من ناحية الابتسامه مقدور عليهابس شنو معنى ابتسامه لها معني؟
بشار:يعني انا ابتسملج متعمد مو صدفه وثالث شىء هذه علي البنت لو اعجبت فيك راح تبادلك النظرات والابتسامه شفت الموضوع سهل
سالم:هو سهل بس وريني عملي احسن
بشار:اوكي
راح ضبط حاله وطلع من المكتب راح قدام البنت اللي قاعده طالعها حيل وهي بادلته نفس النظرات ومشي قدامهاوابتسم وهي ابتسمت بعد شوي قعد جمبها وفجاء تبادلو ارقام التليفون سلم عليها ودخل بسرعه المكتب وقال:شفت
سالم:بسرعه هذه. عيل خلاص راح اسويها
بشار:سويها وعلي. وراح تشوف النتايج الرهيبه
في هذه الاثناء رن تليفون المكتب راح بشار ركض ونط علي المكتب ونام عليه ومسك التليفون:الوووووو
…:ياخاين ليش مامريت علي في المكتب اليوم
بشار:هلا والله بالصوت الحلو هلا والله بحبيبت القلب
في الاثناء هذه اجى سالم ومعاه ورقة وقلم يكتب الكلام اللي يقوله سالم
بشار:لولو حبيبتي مشتاقلج
ليلى :صج مشتاقلي ليش ما جيت
بشار:والله اول ما جيت رحت لرئيس التحرير بس كاني جايلك يابعد طوايفي انتي
ليلي:يوه استحي انا من الكلام هذا
بشار:ليلي احبج لا اموت فيج سكري راح اجيلج الحين باي
بشار:سالم شنو قاعد تسوي
سالم:اكتب كلامك الحلو اللي يدوخ البنات
بشار :شنو كتبت؟؟
سالم: هلا والله بالصوت الحلو هلا والله بحبيبت القلب.... لولو حبيبتي مشتاقلج. ليلي احبج لا اموت فيج سكري راح اجيلج
بشار:هههههههه الحمد لله علي نعمت العقل راح تقول لحبيبتك لولو حبيبتي, افرض ما كان اسمها ليلي شنو راح تقول؟؟
سالم ومبين الغباء عليه:ايه والله شنو راح اقول لوحبيتي مو اسمها ليلي ؟؟
بشار وهو اخذ مفاتيح السياره واغراضة وطالع من المكتب:والله العقول في اجازه
سالم:ايه عرفة شنو راح اسوي
بشار ورد مره ثانيه المكتب:ها شنو راح تسوي
سالم:ما في حل الا اني احب وحده اسمها ليلي شنو رايك ؟؟
بشار وشوي ويروح يذبحه:لا ذكي ذكي انا احسدك علي ذكائك
وطالع من المكتب ومشى في الممر وعلي صوته :ياااارب ارحمني
وراح المكتب اللي جمبه ودق الباب:ممكن الحلو يسمحلي ادخل
ليلي:ادخل
ليلي زميله بشار في المجله تحبه وهو يقول انه يحبها علي رغم من كثر البنات اللي يعرفهم لكنها الوحيده الي يطلع معها رسمي قدام الناس
بشار:شنو رايج اعزمج علي الغدى
ليلي:لا انا زعلانه
بشار:قلتلج والله كنت عند المدير وقالي خبر حلو
ليلي:شنو؟
بشار:ان مقالي عجبه حيل وقال طرحت موضوع جريء وصار حديث كل الناس
ليلي:صج الف مبروك
بشار:حبيبتي
ليلي:هلا
بشار:معدتي تناديني جوعااااان ما راح نروح نتغدى
ليلي:صحيح اني زعلانه لكن ما يخالف ما نبي نظيع فرصة الاحتفال بالخبر هذا
ليلي بنت حلوه لكن ملامحها حاده .احيانا انانيه ما تحب الا نفسها ومتصلته وزياده علي هذه مغروره
في هذه الاثناء ....
الداده:خلاص حبيبتي لا تبجين انشالله بيطلع من السجن
حنين:اه ياداده عم صالح هو الوحيد لي في الدنيا هذه مالي احد غيره لو فضل جذي مظلوم في السجن منو يراعيني منو راح يصرف علي
داده:خليها علي رب العالمين يالله نروح نزوره وقت الزياره
حنين:اوكي راح ابدل ملابسي نص ساعه
حنين بنت في 21 من عمره جميله وجهها في برائه وسحر وعيونها فيها جمال وغموض وشعرها ناعم مثل لون عيونها اسود مع ملامح دقيقه اللي يشوفها يقول عروس لعبه
وحيده في الدنيا هذه وكان ليها قريب من بعيد اسمه العم صالح هو اللي اهتم فيها ولكن لللاسف اتهم ظلم وحطوه في السجن وهي ما تعرف تروح لمنو.
وصلت حنين والداده مالتها اللي كانت مربياه وهي صغيره اللي سجن وشافو العم صالح
حنين واول ماشافت العم صالح ارتمت بحضنه وبجت:عم صالح انا من غيرك اضيع
عم صالح:بس يابنتي خلاص ما اتحمل دموعج بس شنو اسوي حسبي الله ونعم الوكيل في اللي ظلمني
وقعدوا علي الكراسي
داده:شنو قالك المحامي ياعم صالح
عم صالح:قال انه يحاول يثبت برائتي واني ما أخذت الرشوه
حنين:يعني متى بتطلع ؟؟
عم صالح وهو متضايق ومسك ايد حنين:الله الوحيد اللي يعلم
زاد بجى حنين وما سكتت الا والعم صالح قال:ابي اقولج علي شىء انتي مو وحيده هني انتي ليج اهل
حنين:اهل وينهم اهلي
عم صالح:ليج عم وولد عم لكن للاسف عمج مات من زمان وكان ليه بس ولد انا انصحج تروحيله
حنين:انا لي ولد عم؟؟
عم صالح:ايه يابنتي روحيله وخليج في حمايتله لما ربي يساعدني وطلع من هني تلاقيه الحين متزوج وعنده عيال يعني ما بتقعدي لحلج معاه
حنين:لكن شنو يقول ان فجأء طلعتله بنت عم
عم صالح:يابنتي الناس الحين تدور علي اهلها وما يصدقون يالقون احد من معارفهم
حنين:بس اشعرفني بعنوانه
عم صالح:ادخلي مكتبي وتلاقي ادرج الاول دفتر في ارقام وعنوانين وتلاقي فيها الاسم والعنوان
حنين:شنو اسمه ؟؟
عم صالح:اسمه بشار خالد علي فكره اهو صحفي
حنين وهي تمسح دموعها:صحفي انا لي ولد عم صحفي شىء حلو
خلصت الزياره ورجعت الداده مع حنين الىالبيت وراحت حنين لمكتب العم صالح و طلعت دفتر ولقت الاسم ورقم التليفون
حنين:ايه كاهو بشار خالد ....552
ومسكت التليفون واتصلت
حنين:الوووو
....:هلو
حنين:هذا بيت بشار خالد
الخدامه:ايه بس باب مو موجود الحين
حنين:طيب ماما موجوده
الخدامه:ماما؟؟ ماما منو؟؟؟
حنين:هيز وايف موجوده
الخدامه:نو بابا ما عنده وايف بس هو يعرف بنات واجد
حنين وهي حطت ايدها علي السماعه وتكلم حالها ورطة اتضح مو متزوج اشلون اعيش معاه هذا
:طيب متى بيرد؟
الخدامه:اصراحه ما بعرف بس اليوم يوم الاربع لازم يتاخر وما يجي الا بليل دقيقة اشوف دفتر
راحت الخدامه جابت دفترها وقالت:اليوم مع مسس نوره بكره يكون مع مسس شهد وبعدين ليوم الاتنين مع مسس ليلي و..
حنين:بس بس ما شاء الله اهو يعرف كل هذوله
خدامه:اه ماما كل يوم يجي مع وحده انا تعبت من كتر ما احفظ اسامي بس هو جذاب كبير كل وحده يقول ان مافي غيرها لكني عشان انا فيني نسيان اكتب كل المواعيد
حنين:لا عفيه عليج اوكي باي
الخدامه:منو انتي لحزه الوو.غريبه يمكن وحده جديده اه منك بابا بشار انت نصاب كبير
الداده شيخه:اشفيج يابنتي سويت العشى ما تبي تتعشين ؟؟
حنين:مصيبه ياداده مصيبه ولد عمي اتضح انه مو متزوج وشكله بعد راعي بنات اشلون اثق اقعد معاه
داده:يابنتي هذا مهما كان ولد عمج يخاف عليج ويحميج حتى لو كان راعي بنات وثاني شىء ما راح تقعدين طول عمرج هي بس شهرين او اكثر بشوي
حنين وهي مصدمه:شهرين العم صالح راح يقعد شهرين في السجن والله حرام
داده:القانون يابنتي
راحت حنين تتعشى مع داده شيخة وهم ياكلون مسكت داده اكل بأيدها وتحاول تأكل حنين
حنين وهي تضحك:داده خلاص كبرت انا مو ياهل
داده:صح مو ياهل لكن بنظري بتظلين نفس البنت اللي كنت اشيلها وهي صغيره وثاني شىء ملامحج حيل طفوليه ما يبين عليج و...
حنين وقامت وهي تصرخ:لقيتها لقيتها ياداده
داده:شنو شنو اللي لقيتيه
حنين:اللي يخليني اقعد مع ولد عمي وانا مرتاحه مو خايفه
وقعدت حنين مع داده تقولها علي خطتها وبدئوا ثاني يوم بتنفيذ الخطة
حنين:يالله داده بسرعه اتصلي عليه وكلميه
داده:اوكي اتصلي
اتصلت حنين علي البيت وعطت السماعة لداده
داده:الو ممكن اكلم سيد بشار
الخدامه:اوكي ماما لحزه شوي...... بابا بشار
كان بشار يفطر ويشرب القهوه مثل عوايده
بشار:شنو ليتا ؟؟
ليتا:في تليفون بابا
بشار:عيل جبيه هني
ليتا وهي معصبه:يوه انا اطبخ ..انظف... اغسل ... اجيب تليفون لا انت تعال رد انا اروح افطر
بشار:عيل ليش جايج انا
ليتا:انت جيب انا اغسل انظف وبس ما قالو اني اجيب تليفون لاحد
بشار:بس بس خلاص شوي وتقولي اطلع بره خلاص راح ارد
ابي افهم شنو اللي جابرني اني اخليها عندي لغاية الحين
ولا جت ليتا في هذا الوقت:بابا..مسس ليلي سوي اتصال امبارح انا قلت انت نايم ما قلت انك مع ماما نوره
بشار:اهاا تهديديني يعني هذا اللي مصبرني عليج يالله روحي
راح ورد علي التليفون:الووو
داده:الاستاذ بشار
بشار:يس افكورس منو معاي
داده:انت ما تعرفني بس كل اللي اقوله اكيد تعرف عمك محمد
بشار وهو يفتكر:عم محمد اممم ايه تذكرت فعلا كان لي عم اسمه محمد اخر مره شفته من 10 سنوات
داده:الله يرحمه
بشار:شنو مات لاحول لله
داده:عمك وماتسأل عنه
بشار:والله ما اعرف وينه اختفي وانشغلت بحياتي
داده:المهم عمك هذا ليه بنت
بشار:بنت ..ايه اكني سمعت انه عنده بنت بس ماني متذكر شنو اسمها او جم عمرها
داده وهي حاطه ايدها علي السماعه وتقول لحنين:شكله ما يعرف شىء عنج
داده: استاذ بشار بعد ما توفي سيد محمد راحت بنته عاشت عند عم صالح يقربلكم من بعيد لكن بسبب ظلم صار عليه دخل السجن
والحين البنت وين تروح لغاية ما تظهر برأت عم صالح
بشار:عفوا شنو قصدج وين تروح ليش هي جم عمرها
داده ومسوي حالها زعلانه:بنت صغيره مسكينه عمرها 11سنه وين تروح الغلبانه هذه
بشار:ايه صح وين تروح ؟؟
داده:مايبيلها ذكاء استاذ بشار تجي تقعد عندك
بشار وهو اتذكر البنات و الحياة اللي عايشها:لكن.. لكن
داده:انشالله بكره الصبح راح نكون عندك بااي
وسكرت التليفون
بشار:الو الو وينج تعالي ليش سكرتي
وسكر التليفون وهو معصب وقال:ياربي طفله تجي تعيش معاي هني اشلون براعيها في الشهرين هذوله شنو اسوي الحين وليلي اه من ليلىلو جدت هني شنو راح يصير
ثاني يوم الصبح في بيت حنين
حنين:ها داده شنو رأيج
داده:بسم الله الرحمن الرحيم رجعتي طفله من جديد بسبب الملابس هذه
حنين: والللي يساعدني ملامحي الطفوليه .بس مو شايفه اني طويله شوي
داده:عادي الجيل هذه كله جذي بس ..لحظة قصيتي شعرج كاريه ليش
حنين:علشان ابين صغيره واقدر اسوي عنقوصتين
داده:يالله بنتأخر اوصلج واروح
حنين واهي انصدمت من كلامها ومسكت ايدها:تروحين وين اشلون تخليني
داده:اتصلت بنتي تقول ان حفيدي مريض وانا مضطره اروح كلها اسبوع واجيلج وثاني شىء انتي راعي حالج انتي موصغيره خصوصا بعد الفكره الجهنميه هذه
حنين وهي حاضنه داده شيخه:لا تتاخرين علي
وصلت حنين وداده اللي عماره وركبوا المصعد..
حنين:جبتي مصاصه داده
داده:ايه وانوعيه اللي كنتي تحبينها
وصلو لدور الثاني ووقفوا عند باب البيت واخذت حنين نفس عميق ورنت داده الجرس ..
بشار وهو قاعد يحلق ذقنه:ليتا ..ليتا وصمخ افتحي الباب
ليتا وطالعه من المطبخ:شنو اروح افتح.. انت روح افتح انا مشغوله
بشار بعصبيه:انا جايبج تشتغلين عندي او انا اشتغل اقولج روحي افتحي الباب
ليتا:اوكي
فتحت الباب وقالت:نعم في شىء
داده:هذا بيت الاستاذ بشار
ليتا:يس بابا داخل تفضلو
طبعا حنين دخلت وهي تتصرف مثل الاطفال وقامت تلعب بالاشياء وداده تقوله:خلاص حنون قعدي عاجله علشان اجيبلك حلاو
هني ليتا وقفت وهي مستغربه طفله صح شكلها مثل اطفال لكن طويله شوي
راحت لبشار وقالت:بابا في وحده ومعها طفله صغيره لا مو صغيره طويله بره
بشار وهو تذكر:لااااا بنت عمي
راح لبس علي طول وراح الصاله وشاف الداده قاعده وشاف بنت صغيره لابسه فستان واسع ومسويه عنقوصتين وتاكل مصاصه وتغني
حنين وتتكلم مثل الاطفال: افتح ياسمسم ابوابك نحن الاطفال
بشر:احم احم
وقفت الداده:اه انت الاستاذ بشار وراحت سلمت عليه وقالت انا شيخة مربية البنت جبتها لك ومضطره امشي الحين
بشار :لحظة شنو تمشين دقيقه
داده:تعالي ياحنين سلمي عي ولد عمج
حنين كانت قاعده اول ما شفته قاعدت تطالعة مثل التمثال كان وسيم وجذاب وكله رجوله فجأءه حست ان قلبها يدق
داده:حنون تعالي سوري استاذ بشار هي خجوله
قامت حنين من مكانها ومشت في اتجاهه بخطوات بطيئه وهي تطالعه وقالت:اشلونك
وحست انها تتكلم علي طبيعتها نست التمثيل وردت مثل الاطفال تصحح الغلط
حنين:هيييييييي هذا بشار ولد عمي هييييييييييي
وراحت مسكت ايده وصارت تدور وتقول:خذني المدينه الترفيهيه جبلي حلاوه
هني الداده شوي وتضحك وسحبت حالها وطلعت وكانت وراها ليتا داده:شوفي خلي بالك عليها هذه طفله صغيره
ليتا:اوكي مدام
وبعد ما وقفت حنين عن الدوران
بشار:بس بس دوختيني
وتلفت حوليه يدور داده شيخه
بشار:هي وينها راحت؟؟ وطلع بره الشقة ما لقى احد
ودخل مره ثانيه وطبعا حنين كانت تمثل صح دور الطفوله فضلت تتنطط وتلعب بلاغراض ليتا تركض وراها تهديها
بشار:شنو المصيبه اللي جتلي الحين اشلون اتحمل مسؤليتها
ليتا:باب احنا ما في اتفاق ان في بَجا يجي هني زيد فلوس لي انا
بشار:نعم ازيدج فلوس ليش هو من متى الخدامه تاخذ علي كل شغله فلوس انتي مفروض تجين تنظفين وتسوين الاكل وتردي علي التليفون وتربي اطفال
لتا:لا بابا انا كل شىء عندي حساب يالله راح اسيب البيت هذا
وراحت تشيل اغراضها بشار راح لعندها ركض
بشار:لا ياليتا انا محتاجلك اكثر من قبل لا تخليني
ليتا:لا ما في
بشار:بليس ارجوج
ليتا:اوكي تزيد فلوس
بشار:اوكي يالطماعه
ليتا:وفي شروط
بشار:ها قولي
ليتا:انت تجي ترد عتليفون وانت تفتح الباب
بشار:شنووووو (في هذه الاثناء سمع شىء كسر في الصاله طبعا هذه حنين تعمدت تكسر المزهريه علشان يظبط الدور)
بشار:اوكي خلاص موافق روحي شوفي الطفله هذه
ليتا:اوكي
بشار:اخ اخر زمن اترجاج انا اترجاج يا النحيسة اوكي ياليتا بكره ارده لج
ليتا راحت لعند حنين:ليش انتي خربي كل شىء انتي شيطان كبير
حنين وهي تبجي:اهي اهي اهي
اجي بشار و ركضت عليه حنين:والله والله ما كان قصدي اهي اهي ما راح تضربني
بشار:لا اضربج انا اعرف اضرب ذبابه
حنين:جيبلي ايس كريم
بشار:حاضر حاضر حااااااااااااضر يارب شنو سويت علي شان بليتني جذي ...
اتمنى ان الجزء هذا عجبكم لو عجبكم اشوف ردودكم الحلوه علشان اكمل .
عشانك يا حبيبتي (مدمنة بيبسي) بأكمل:
--------------------------------------------------------------------------
الفصل الثاني ::
في البيت...
بشار:انا الحين راح اروح ابيج تقعدين عاجله وما تخربين شىء
حنين:وين راح تروح؟؟
بشار:الشغل
حنين:وشنو تشتغل؟؟
بشار:صحفي
حنين:يعني شنو ..
بشار:بس بس ما تتعبين من الاسأله
حنين:راح تجيبلي حلاو
بشار:انشالله ويالله باي ليتا لا تنسين
ليتا:مو مشكل بابا ما دام في فلوس انا اسوي كل شىء روح انت
دخل بشار الي مكتبه في المجله وكان مبين شكله انه متضايق ومو علي عوايده راح وقعد علي المكتب من غير ما يطالع قدامه
سالم:اث.. اثفيك ؟
هني حس بشار ان صوت سالم متغير وطالع قدامه :شنو سالم اشفيك شنو صار لايدك وراسك ليش مربوطين؟؟؟
سالم وشوي ويبجي:اهي مو نثايحك اللي قلتي ثوي فيها وتثوف النتيجه
بشار:ما ني فاهم شنو صار
سالم:قبل امث من بعد ما طلعت لقيت بنت حلوه عجبت فيها قلت خليني اثوي مثل ما قلت وكاهي النتيجة
بشار:هههههههههههه
سالم:تضحك
بشار:هههههه هي اللي سوت جذي
سالم:لا اخوها
بشار:عيل المره الجاية تأكد ان البنت ما يكون معها اخوها ههههههههه
سالم:انا جذي نحث(نحس) وراح اظل جذي, ايدي مكثوره قلنا اوكي راثي(راسي) متورمه قلت اوكي لكن ثنوني مكثوره ثلون راح تطلع من جديد
بشار:ههههههههه راح اعطيك رقم دكتور اسنان رفيجي ممكن ياحاول يسويلك شىء ههههههههه
وقعد بشار يكتب في المقال مال السبوع الجاي وكل شوي يشق الورقة لان افكاره ما كانت مترتبه كانت مشوشه وفي اثناء هذا رن التليفون
بشار:الووووو
ليتا:الوو بابا بشار
بشار:شنو صار ليش متصله
ليتا:بابا البجا الصغير هنين طاحت علي الارض وفي تعوير كبير في رجل مال هي
بشار:ودتيها عند طبيب
ليتا: لا ما وديت عند دكتور بابا ما في اتفاق اني اودي بجا عند دكتور هذا حساب ثاني
سكر بشار التليفون وراح ركض وهو يقول:اخ ياطماعة ولا نهايتج علي ايدي
في هذه الاثناء ...
حنين تكلم حالها:ياربي كان لازم اطيح علشان اثبت اني طفله اخ يعور حيل
ليتا:انت واجد شيطان مو قلت انا لا تركض كتير
حنين :اهي اهي ابي بشار
في الاثناء هذه دخل بشار الشقة واول ما سمعته حنين صرخت بصوت عالي
حنين:اهييييييييييي
بشار وهو رايح ركض:اشفيج شنو صار
ليتا:بابا انت ليش جرجر واجد انا قلتلك بالتليفون خلاص لازم تسأل مره تاني
بشار:انتي سكتي ولا كلمه ليج حساب ثاني
حنين:انا ...انا كنت اللعب وطحت واه يعورني
بشار:وريني وين
حنين وما ننسى انها تتصرف مثل الاطفال بالظبط واتقنت فعلا الدور
بشار:بسيطه هذه بس الجلد مقشوط ليتا
ليتا:نعم بابا
بشار:روحي جيبي قطن وشاش ومطهر من المطبخ
ليتا:اوكي
حنين: انا اسفه ما كنت اقصد
قعد بشار جمبها علي الارض وانسند علي الطوفه وقال:اخ انا اللي اسف لاني ما اعرف اشلون اهتم فيج ما اقدر اتحمل مسؤليه احد وفما بالك لو طفله
قعدت حنين تطالعه وهو يتكلم وتراقب حركات عيونه وحست انه من النوع اللي ما يحب يتحمل مسؤليه والدليل انه كمل 29 سنه وهو مو متزوج ما وعت علي حالها والاحست بالالم في رجولها وانتبهت انه حط مطهر وشاش علي الجرح
بشار:استحملي المطهر راح يحرق شوي
حنين:لكنه يعور حيل ..ماجبتلي حلاو
بشار:يووووه نسيت؟خليها باجر
حنين:لا الحين الحييييييييين اهي اهي
بشار خلاص خليني اوديج غرفتج وانزل اجيبلج
راح شالها وثناء اهو شايلها:انتي ثقيله حيل ما شاء الله
وتقول :هي بشار بيشو راح يجيبلي حلاو
وحطها بشار علي السرير:بيشو ههههههههه ما كنت اذكر ان امي كانت تدلعني اصلا من وين جبتي اسم بيشو
حنين وتتصرف ببرأه :اصلا زماااان كنت اشوف كرتون عن بطه اسمه بيشو لكن حرام كان زعلان
بشار:ههههههه بط وليش زعلان
حنين:لان صحى مره من النوم ما لقى الريش ماله كله طاح ما صار عنده ريش
بشار:هههههههه ريش وليش طاح ريشه
حنين وهي تتكلم بخبث:من كثر البطات اللي حواليه
بشار:شنو ؟؟
حنين وحست انها زودتها شوي وغيرت الموضوع :راح تجيبلي حلاو
بشار:انزين شنو تحبين
حنين:مصاص وجلكسي وكتكات وايس كريييييم
بشار:اوكي ولا تتحركين علي شان رجولج
كانت ليتا واقف جمبه وطالعها وقال بعصبيه :ليتا...
ولا تقاطعه ليتا:مسس شهد اتصل انا ما اقول اللي يصير هني
بشار:اخ يعني تهديد ماشي ياليتا ماشي
ليتا:اوكي بابا شو كنت راح تقول
بشار:وعلي شنو خلاص سحبت كلامي يالله نازل اجيب حلاو
حنين:ههههههههههههههه
طلع بشار وبعد نص ساعة اجى ومعاه الحلاووراح عند حنين
حنين:هييي حلاو
عطي بشار الكيس لحنين
بشار:ها استانستي
حركة حنين راسها يعني ايه
بشار:راح اروح اكمل المقاله مالتي
حنين:بيشو..
بشار:نعم
فتحت حنين الكتكات ومدت ايدها يعني اخذ
بشار:لا كليها انتي
حنين:لا راح تاخذ .افتح حلجك بس لا تاكل قطعه كبيره بس قطعه صغيرونه
بشار :ههههههه طيب (وراح واكل قطعه كبيره)
حنين:اهي خلاصت كل الكتكات ما احبك خلاص
بشار:هههههه اسف راح اعوضها واجيبلج كرتونه ويالله نامي
وباسها علي راسها وطلع طلع اهو من هني
واخذت حنين تفكر:ياربي وسيم حيل ولطيف لو يعرف اني انثى مو طفله شنو راح يكون ردت فعله
وقامت شافت حالها في المراية :لدرجه هذه شكلي طفله
في هذه الاثناء رن جرس الباب
بشار:ليتااااااااا الباب
ليتا وهي في المطبخ:ليش انت تصارخ انا اسمع باب.. لكن روح انت افتح
بشار:شنوووو
ليتا:شنو مالي مزاج قاعده اسمع اغنيه هندي
بشار:يارب الرحمه
وراح فتح الباب وهني وهو متفاجأء
بشار:شنو ..انتي؟؟
انتظروا الجزء الثاني ولكن بعد الردود......اوكي..
مواقع النشر