حبيباتي اولا السلام عليكم ورحمة الله وبركاته
كيفكم ان شاء الله تمام
اليوم راجعتلكم ومعايا طريقه رهيييييييييييييييييييييييبه للسينابون وبالكراميل
الطريقه خاصه للسينبون
اتركم مع المقادير..
في الخلاط حطي
1كاس مويه دافيه
1ملعقه خميره فوريه
اخليطيها بالخلاط لمدة دقيقتين
بعدين اضيفي 3ملاعق حليب بودره
فنجان شاي زيت
1ظرف كريم كراميل
اخلطيها لمدة دقيقتين كمان
في زبديه حطي 2كاس دقيق كويتي
وصبي اللي في الخلاط على الدقيق واعجنيها كويس
اتركيها تتخمر الين تنفش وابدئي افرديها كامله بشكل بيضاوي
ادهني العجينه زبده سايله وحطي عليها المقادير هذي
2ونص ملعقه سكر بني
1ونص ملعقه قرفه مطحونه
نص ملعقه كاكاو بودره
اخلطيها مع بعض وافرديها على الزبده
لفي العجينه على شكل اسطواني وبعدين قطعيها شرايح عريضه وحطيها في صينيه مدهونه زيت
ادهنيها حليب او بيض
ودخليها الفرن من تحت الين تحمر ومن فوق تحمر خفيف
الصوص عجبني صوص الاخت امل من بيت حواء
وهذا اقتباس من صاحبه الوصفه
تجيبين عين الجمل تقريبا كاس وتكسرينه صغار وتحمسينه مع ملعقتين زبده دقيقتين بس ثم تحطين عليه ثلاث ملاعق سكر بني وملعقه كبيره قرفه مطحونه وتركينه لمدة خمس دقايق ثم صبي عليه علبة حليب نستله المحلى وحركيه لمدة خمس دقايق ثم طفي عنه النار وحطيه على السنابون
طعمه نفس اللي يجي جاهز بالضبط
وهذي صوره ماخذتها من موقع اجنبي
وان شاء الله اسويه قريب وانزل الصور
واي استفسار انا تحت امركم
اذا تبغوها تزبط نفس المقادير لا تزودي ولا تنقصي
الكاس المستخدم كاس الجبنه الكبير
الملاعق ملعقة الطعام
وعليكم بالعافيه ويارب تعجبكم الطريقه
رد مع اقتباس
مواقع النشر