السلام عليكم ورحمة الله وبركاته
ابي اسرد لكم قصتي
انا متزوجة من 4 سنوات والى الان ربي ماكتب لنا الذرية
قبل فترة سويت تحاليل انا وزوجي في مختبر البرج وطلعت الحمدلله تحاليلي سليمة لكن زوجي طلع عنده ضعف في العدد الطبيعي 20 مليون والموجود عند زوجي 450 الف حيوان منوي
وعنده اللزوجة عالية ومن يوم عرف زوجي بهالموضوع ونفسيته زفت تمنيت اننا اكتشفنا الموضوع من بدري بس الله يهديه هو من النوع اللي مايحب يروح للمستشفيات
حاولت اهديه واقوله انت تكفيني عن اي طفل بهالدنيا بس حسيته مو مقتنع بكلامي
حجزت موعد عند الدكتور عمرو المليجي بمستشفى د/ سليمان فقيه وموعدنا بكرة الساعة 6 ونص وطلبت منه انه ياخذ كورس علاج عنده لمدة 6 شهور وبعدها نحلل ونشوف النتيجة واغلب اللي سأتهم مدحوا لي الدكتور ودكتورتي رشحت لي الدكتور عمرو وان شاءالله ربي يكتب على يده تتحسن حالة زوجي واحمل
بنات مالي الا الله ثم انتم افضفض لكم مااقدر اقول لامي ولا لأختي ماابي زوجي يحس اني قلت لأحد عن حالته انا احبه وهو يحبني بس ودي بطفل اضمه على صدري تعبت من كثر ماابكي كل ماشفت طفل الحمدلله على كل حال
المشكلة زوجي مو من النوع اللي يواظب على العلاج واخاف تصير بينا مشاكل بسبب هالموضوع
ناس قالوا لي لاتتعبين نفسك العدد قليل سوي تلقيح صناعي ماادري انتم اكيد خبرتكم بهالامور اكثر مني
تكفون دلوني على حل وابي دعواتكم ان ربي مايحرمني الذرية ويفرحني بولد او بنت اهم شي الخلقة التامة
اللهم اني اسألك بكل اسم هو لك سميت به نفسك او انزلته في كتابك او علمته احد من خلقك او استاثرت به في علم الغيب عندك ان ترزقني وترزق كل محرومة من الذرية يارب ياحي ياقيوم
خبلة بس فلة
رد مع اقتباس
مواقع النشر