صور لغذانا يوم الخميس بنت أم جاسم
جيت وجايبه معاي غذاي
غذانا صينية الدجاج والعيش المدخن بريحة الشوي
خليكم وياي
المقادير :
دجاجتين مقطعتين إلى 8 أجزاء 4 صدور و4 فخوذ
بطاطس مقطع إذا قطع كبار
بصل مقطع قطع كبار
فليفله خضراء بارده وعودين فلفل أخضر حآآآآآآآآآر
جزر مقطع قطع صغار
وطبعا بهارات وبزار على كيفكم
والعيش طبعا مغسول زين ونخليه ينقع ساعه أوأكثر
ونضيف عليه وهو ينقع الدارسين والهيل والمسمار
وشوي زيت وملح
والحين جاء وقت الصور ...
هذي الصينيه إلي بدخلها بالفرن
مقصدره وممسوحه بالزيت
وهنا حطيت بالصينيه البصل والفلفل الحار والبارد
وهنا حطيت فوقهم البطاطس
وهنا قطع الدجاج متبل بالبهارات إلي تحبوها وطبعا مملحه وحطيت فيها شوي عصير ليمون وإذا ودكم بعد تحطون فيها روب لأن الروب يعطيها لون الذهبي الحلو (أنا هنا ماحطيت الروب لأن مايحبه أخويي
هع
وهنا وزعت قطع الدجاج بالصينيه فوق البصل والبطاطس
وهنا وزعت قطع الطماطم على جوانب الصينيه علشان ما ينعجن وسط الدجاج والبطاطس
وهنا غطيت الصينيه ودخلتها الفرن وخليتها ساعه كامله
وبعدها جيت وفتحتها وكانت لسه ماستوت واللحم لسه ما صآآآآآر لين زي ماأحب ..
علقت على العيش وسويته شوي خشن علشان راح أخليه يلين على النار
ملاحظه : أنا حطيت بفنجان شوي زيت وغرزته بوسط العيش وهو يتنشف وعلقت على جمره وأخذت الجمره وحطيتها في فنجان الزيت وغطيت عليه علشان تطلع ريحة المشويات وتصير بالعيش بيطلع جنان بالريحه (جربوها..
وهنا أستوت الصينيه وطفيت النار عنها وطلعتها علشان لا تجف زياده
وهنا حطيت الغذا للأهل والحمد لله أكلوه بس ما شكروني هههههه
ولا شئ مايحبو يمدحو حد أهلي ياكلو ويحمدو ربهم
بس أكلوه كله ههههه
هني وعافيه للجميع
أنتظر ردوردكم حبوباتي ...
رد مع اقتباس
مواقع النشر