:|: دونات بالفرن :|:
احم .. من جديد والمعذرة على الانقطاع .. << ارفقي فقدوك بس ..
المهم .. تراني أكره أجواء الامتحانات والمذاكرة بشكل مو طبيعي :(
وأفرغ هالشيء بالطبخ .. منه تغذية لهم ومنه أجرب فيهم
واليوم بما أنه يوم اثنين والصيام فيه سنة قلت أكسب أجر بالصايمين ..
فقلت أسوي لهم هالدونات ..
فطلعت خياااااال .. من جد لذييييذة
وهذي صورة لها ..
والمقادير هي :
1و 1/2 ك ماء دافئ
4 م ك جبن سائل
1 و 1/2 فنجان سكر ناعم
1/2 ك زيت
رشة ملح
6 م ك حليب بودرة
1 م ك خميرة فورية
1 م ك باكنج بودر
3 ك دقيق أبيض
الطريقة :
تحطين جميع المقادير ماعدا الدقيق بكأس الخلاط ..
وبعدها حطيها على الدقيق واعجنيها مضبوط ..
واتركيها ساعة أو نصف ساعة المهم على ما تشوفينها تضاعف حجمها ..
أنا هالمره قلت أبيها دونات صغار فقطعتها دوائر صغار ..
صفيها بالصينية وادهني الوجه ببيض أو شويه حليب بودرة مع ماء ..
دخليها للفرن لحد ما تستوي .. ونصيحة لازم يكون الفرن حامي قبل ما تدخلينها عشان تستوي بسرعه ولا تيبس
و.. بس .
حطيت عليها هيرشيز ونستله ..
وطلعت شي شي .. لا يفوتكم الطعم خياااال .. مثل اللي تقلى ..
و.. انتهيت ..
موفقات يا رب ..
مواقع النشر