السلام عليكم
يااخواتى انا عندى مشكلة بس قبل ما احكي مشكلتى عاوزة اسال سؤال وياريت تجاوبونى عليه
هى الرحمة اتنزعت من قلوب البشر
انا قربت اصدق ان الناس مبئاش في فقلوبهم رحمة
ملخص الحكاية
انى بحاول اعمل اى مشروع يكون راس ماله بسيط علشان الامكانيات تقريبا شبه معدومة ولكنى
بحاول يمكن ربنا يرزقنى بالحلال لكنى مع الاسف كل مرة بفشل
فتحت محل ملابس واقترضت فلوس من اخى ولكن الايجار كان غالى والبضاعة كانت قليلة وعلشان كدة اضطريت اقفله واصفي بضاعتة
عرض عليا واحد موزع ملابس انه يوزعهم لى ومع الاسف اعطانى اقل من ربع تمنهم
والباقي اعطيتهم لتاجر كبير جدا وعنده محلات فى منطقة مشهورة على ان يعرضهم عنده اخدهم وقالى انه بعهم كلهم
وعندما طالبته بالفلوس تهرب منى واقسم بالله العظيم انه مااعطانى ولا مليم من تمنهم
المشكلة انى ماخدتش عليه اى ورقة لانى متوقعتش انه يطمع في تمن بضاعتى لانه ممكن يكون بيكسب اضعاف اضعاف تمنها فى يوم واحد
الكلام دا كان من سنتين وطبعا خفت اروح اطالبه عند محله لان له نفوذ ولانه تاجر كبير وغير كدة هينكر وانا مش هقدر اثبت اى حاجة
استعوض ربنا بس مش مسمحاه لا دنيا ولا اخرة
حاولت اتاجر عن طريق النت ولكنى ايضا فشلت لانى معنديش خبرة كافية
ارجوكم اللى تقدر تنصحنى ايه اللى اقدر اعمله علشان اساعد بيتى وزوجى وعيالي لان ظروفنا صعبة
ارجوكم لاتفهومنى غلط انا لا اريد مساعدة مادية
انا زوجى يعمل بالسعودية ولكن راتبه بسيط جدا 1200 ريال وانا عندى بنات فى المدرسة واريد ان اعمل اى مشروع هنا
علشان زوجى يرجع ويجتمع شملنا خصوصا ان البنات كبروا وهو بيجي اجازة كل سنتين
وصعب اروح له هناك لان زى ماذكرت راتبه بسيط ولا يستطيع استقدامنا
انا عارفة انى طولت عليكم بس اعزرونى
اللى عندها اى فكرة مشروع ممكن اعمله في حدود 2000 جنيه ويكون مضمون ومربح ارجوكم تخبرنى
واقسم بالله ادعيلها ماحييت باللى تطلبه
مواقع النشر