هلا اختي ام جمانه
والله بالنسبه للمويه ما ادري ايش اقولك ..لانو انا مرررررره كنت مشتهيه الباركيه في بيتي الي في السعوديه وطلبتو من زوجي ايام كنت مخطوبه لما سالني كيف نعمل بيتنا
بس يومها امو الله يخليها لنا والمحلات الي تسوي باركيه وسيراميك ودي الامور ما احد نصحو يعملو عشان المويه
قالولو انو مع الزمن وكثرة المويه يعملو تجوفات ويسير مو مستوي ..والخشب ممكن يهش من جوا ..وممكن يسبب حشرات
وبس بطلنا نعملو ..وهنا ربي عوضني في كندا ومن غير ما اطلب لقينا شقة كلها باركيه الي انا فيها ...بس هنا الباركيه عبارة عن الواح رفيييييييييعه الواحد يشك انها خشب ..غير انو المطبخ والحمام عاملينه رخام مو باركيه ...!!!
انا لما طلبتو في السعوديه كنت ابغاه في المبطخ ...وكان تحذيرهم اكتر شي انو ما ينفع لانو في المطبخ والمويه اكيد حتوصلو
عشان كدا ما ادري ايش اقولك عن المويه ...هنا في كندا مافي غسيل ارضيات كلووووووو مسح ..لانو مافي بلاعات الله يكرمك ...حتى في الحمام
مره انكبت مويه خفييفه وعلى طول بمنشفة جافه انتهى الموضوع وما يبان انو سار شي مو زي السيراميك
تعبتك وانا اهرج ولخبطتك ...بس اي سؤال انا جاهزة
مواقع النشر