السلااام عليكم
موضوعي حيكون عن تقوية النظر عند الاطفال حديثي الولاده
طبعا كثير مانشوف الاطفال يركزوا نظرهم على النور
ودائما نسمع من امهاتنا وجداتنا ( لا يركز ولدك في النور بعدين يسير احول !!!!)
واحنا بسرعه نطبق ومانخليهم يطالعوا في النور او ( يحدقوا) في اي شي
وماقد فكرنا او جا في بالنا اذا هذا الكلام صح والا لا
وللاسف
الكلام هذا خطا مليون في الميه
وبالعكس
تحديق الطفل في النور او الاشياء المعلقه على سريره يقوي نظره
لان الاطفال حديثي الولاده يشوفوا اللونين الابيض والاسود فقط
غير كذا مايشوفوا غير الاشياء القريبه حوالي من 20 ل 25 سم
وشغله ثانيه
الاطفال يحبوا يطالعوا في الوجوه وبالذات وجه ماما
عشان كذا حاولي يكون وجهك قريب من وجه البيبي وانتي ترضعيه او تبدلي له او تلعبيه
وهذه مجموعه من الصور بالابيض والاسود
ياليت كل وحده عندها بيبي تطبعها وتعلقها على سريره او اي مكان يقدر البيبي يشوفها
وراح تلاحظوا انو حيركز عليها ويطالع فيها
زي الصوره بالزبط
http://up.arb-up.com/i/00121/ukonx11u66en.gif
وهذه مجموعه مكونه من عشرين صوره بالابيض والاسود
http://baby.zorger.com/baby.zorger.com.newborn.pdf
وان شاء الله يفيدكم الموضوع
سلامي للجميع
مواقع النشر