السلام عليكم ورحمة الله وبركاته
اخواتي هذا اول موضوع لي في هالمنتدى الرائع
صراحه كل مره ادخل واخذ من طبخاتكم ....................
عاد قلت ماراح انزل شي الا وانا واثقه منه ميه في الميه
واتمنى مايكون الموضوع مكرر لاني جبت لكم معمول هش
ويطير العقل من منتدى قناة بدايه وطبقته امس وذبت معه
بس نسيت اصور الخطوات بس صورته بعد ماخلص وهذا شكله
يمكن الصوره مو مبينه انه لين بس تراه مره لين ويذوب في الفم
وهذة المقادير لعيونكم
1ك دقيق 240 جرام [ انا حطيت كاس ونص
لان العجينه طلعت لينه مره وهي لازم تكون طريه
بس مو سايله ولا قاسيه يعني الين من عجينة الفطاير}
اصبع زبده على حرارة الغرفه>>>>>>>100جرام
علبة جبن مثلثات>>وهنا سر الهشاشه
{انا حطيت 6 حبات كيري}
ويكون على حراره الغرفه
3 ملاعق حليب بودره
1ملعقه سكر مو لازم ناعم
رشة ملح قليل لانه يطعم بسرعه
1ملعقة بكنج بودر
والحشوة
تمر معبوط
الطريقه
1
_نضع الحليب والسكر والملح والبكنج بودر بزبديه
ونخلطها لتتجانس ونتركها على جنب
2_نضع الزبده اللينه والجبن اللين في زبديه ونهرسه بالشوكه
حتى تختفي التكتلات تم يخلط جيدا >عاد اختكم في الله
ماتستغني عن يدها فركتها فرك بلا شوكه بلا هم<
3_نضيف المجموعه الجافه للزبده والجبنه ونخلطها بالملعقه حتى
تتجانس ويمكن استخدام اليد ثم نضيف الدقيق بالتدريج وتعجن
حتى تتماسك وتكون مثل القطنه ولا يضاف لها ماء لان الزبده والجبن يكفي
4_تترك على جنب 5 دقائق ثم تكور وتحشى بالتمر و تشكل
حسب الرغبه وتوضع في صينيه مدهونه بالزيت وتدخل فرن حار مسبقا
ملاحظه
تنضج بسرعه من اسفل ماتاخذ غير 5 دقائق من الافضل مراقبتها
بعد 3 دقائق ومن الاعلى حتى تحمر قليلا
اتمنى تجربوها وتنال على استحسانكم
وماابغى منكم غير الدعاء لي بالصلاح والهدايه
رد مع اقتباس
وماراح تخسرين لاتنسين ترددين:[/caution]
مواقع النشر