شموعي لك بضوّيها قبل لاتنزل الدمعه
قبل لا ينتهي حبك بضّوي دربك المظلم
جروحي مايداويها رجوعك لو تبي الرجعه
جروحي مايداويها حزنك لما تتبّســـــــم
أمد الكف باشواقي وتمد الكف بالصفعه
ولا ادري من الغلطان وقلبك لغزي المبهم
حزنك مايبكّيني وغرورك زادني رفعه
وفرحك هو سبب شكّي تتبسم وانا أتألم
غدر وكذب وخيانه وطباعن فيك مجتمعه
تجبرني بعيد ارحل وطول العمر أتندّم
عمري ياخساره ضاع عمري ضاع في خدعه
ليل بصبحه المشرق وصبح بنوره المعتم
عطش من بعد ماأشرب وجوعن من بعد شبعه
كنت اضحك مع الاحزان وصرت من الفرح اغتّم
فراقك احلى مايمكن وغيابك منتهى الروعه
في قلبك ابتعزّى وعلى حبك ابترحّــــــــــــم
بعد فرقاك صوّرتك لنفسي بصورتن بشعه
عشان انساك بشّعتك ولكن ماقدرت اكتم
بعد فرقاك ماأميّز وش احزاني من المتعه؟!
بعد فرقاك صدّقني كل جايز عليّ يحرم
واجب بعد ماترحل تصير افراحي ممتنعه
وواجب ماأحس الحب والواجب عليّ الزم
حبيبي لا تصدّقني اذا ماسالت الدمعــــــه
دموعي تخجل ان شافت عيونك غارقه في الهم
دموعي لك ابهديها بعد مانطفي الشمعه
غيابك ماهو شي عادي غيابك موت يتكلم
مواقع النشر