بسم الله الرحمن الرحيم
الواحد زعلان جدااااااااااا خلاص رمضان حيسبنا ويمشى ربنا يعيده علينا وعلى امة محمد صلى الله عليه وسلم بالخير والسعادة ان شاء الله
مشاركتى الثالثة ان شاء الله تعجبكم
المكونات
شرايح لحمة بفتيك او اى شرايح رفيعة ماتخدش وقت فى السوا
لحمة مفرومة
ملح - فلفل اسود - بهارات لحمة
بصل مفروم - عين جمل - دقيق - ماشروم - كريمة لبانى
ارز بسمتى - شبت وبقدونس - زبده - زيت
الطريقة
اولا طريقة الارز
نغسل الرز كويس وممكن ننقعه فى ماية وملح لمده نص ساعة
نفرم الشبت والبقدونس
نحط فى الحلة زبده او زيت ونحط الرز و الملح ونقلب ونحط الماية السخنة ولما يدخل فى السوا نحط الشبت والبقدونس المفرومين ونقلب ونخليه على النار شوية
ثانيا طريقة اللحمة
1- نتبل شرايح اللحمة بالملح والفلفل الاسود والبهارات
2- فى حلة نحط البصل المفروم ونقلب ونحط اللحمة المفرومة ونتبل بالملح والفلفل ولما تبرد شوية نحط عين الجمل ممكن صنوبر
3- نبدأ نحشى شرايح اللحمة باللحمة المفرومة ونلفها رول ونقفلها بالخلة
4- فى طاسة سخنة نحط شوية زيت او زبدة صغيرين او من غير ونحط اللحمة لحد ماتلون وتتحمر و تستوى
5- نحط اللحمة فى طبق
6- فى نفس الطاسة لو ماستخدمتيش دهون نحط زبده وحوالى 1 م ك دقيق ونقلب ونحط المشروم ونكون مقطعينه صغير او مفروم او من غير ماشروم مافيش مشكلة ونقلب ونحط شوية مرقة ونقلب ونحط الكريمة اللبانى علشان تربط الصوص و نرجع اللحمة تانى للصوص تسخن علشان نجهزها للتقديم
7- وبكده نكون خلصنا اكلتنا ودى صور الطبق
كل مسابقة وانتم طيبين ورمضان كريم
مواقع النشر