مشتاقه لأهلي والله محتاجه لكم

[ريح الياسمين]

بنات انا محتاجه لدعوتكم انا صار لي ست شهور وانا بعيده عن اهلي في دوله اوروبيه (طبعا انا وزوجي) اعمل اطفال انابيب -رمضان ماحسيت فيه ولاالعيد ماادري احس انها فتره طويله والله اكتب الكم وانا ابكي من اللي فيني
اول مااجينا هني كنت قويه واصبر زوجي بس الحين زوجي اللي صار يصبرني (مشتاقه لأمي وابوي وخواني وخواتي مشتاقه لأهلي وناسي) كيف اصبر عمري؟ نحن قبل جينا هني وربنا رزقني من اول عمليه انابيب بس مثل ماتعرفون ولدي مات مااعرف شو السبب ؟
والحين رجعنا مره ثانيه بس صار لي ست شهور عملت عمليتين ربنا مارزقني بالحمل وهاذي المره الثالثه بس بعدني ماسويت الفحص (فحص الحمل)
والله انه تعب نفسي وجسدي ياليت اقدر اسوي العمليه في بلادنا بس مايستوي عشان زوجي لأنه معاق يعني لازم اسوي العمليه في اوروبا
والمصيبه انهم مايعطونا فتره نقاهه يعني نروح البلاد ونرجع لأن مثل ماتعرفون البلاد هي اللي مسفرتنا على حساب الحكومه وكلمتهم قلت لهم ابي راحه اسبوع او اسبوعين دخيلكم ابا ارجع البلاد شوي مارضوا قالوا لنا لو رجعتوا البلاد راح نكنسل العلاج حسبي الله عليهم مايحسون
يعني شو اسوي مضطره اني اصبر والله اني كل يوم ادعي ربي يصبرني على الغربه
والله اني محتاجه لوقفتكم معاي ادعولي عشان مااضعف خاصه انا في مرحله علاج يعني لازم النفسيه تكون مرتاحه
واسفه اني ازعجتكم

[ام هتان #]

حبيبتي لازم تقوي قلبك عشان تخلصي
انا بالغربه وحاسه فيكي بس صدقيني لو غيرتي من نفسيتك واحسني النيه واحتسبي الاجر عند الله
وانشالله يارب تكوني حامل والله يرزقك الذريه الصالحه التامه المعافه
والله يشفيلك زوجك ويفركم قريب ياقادر ياريم ارزقهم وافرح قلوبهم
ولا تنسي تدعي كثير وتستغفري صدقيني راح تروح كل همومك انشالله
والله يصبرك على غربتك

[woxow]

الله ياجركم ويصبركم ويصبرني معكم ويزقكم ويزقني بالذريه الصالحه

[فتاة المراعي]

حبيبتي عشاان البيبي كل شي يهوون

واحمدي الله غيرك تتزوج وتتغرب وماتشوف اهلها بالسنين

الله معانا في كل مكان المفروض نحبه الله اكثرمن اهلنا وناسنا واطفالنا

اطلب الرضا من رب العالمين ,,استغفري داااائما ورددي الاذكار كل ساعه وحين

صلي الصوات في وقتها واكثر من السنن وأقرأي القران

والله راح تحسي انك مرتااااااااااااااحه وانه رب العالمين محيط بك وانك بين رحمته الواسعه


احمدي الله انك بتتعالجي على حساب الدوله ,,اعرف نااس خسروا اللي وراهم واللي قدامهم عشان اطفال الانابين وراحوا وتغربوا وتبهذلوا وصبروا عشان الطفل والاجر من رب العالمين


الله يهونها عليك ويرزقك الحمل وترجعي لبلادك وتفرحي اهلك