ممكن مساعدة .. تتوقعون حامل؟ و مشكلة ثانية ..

[ملكة الربيع]

السلام عليكم

شخباركم اخواتي ؟

أولا انا ما عرفت احط الموضوع في وين ..

انا توني متزوجة ما صار لي شهر يمكن

المهم في اول اسبوع صارت ليلة الدخلة ..

و الحين الدورة متأخرة عن موعدها !!

قبل رمضان خلصت من الدورة قبل يومين من رمضان .. تاريخ 28 شعبان

و في رمضان جتني في ثالث اسبوع ( يعني بعد اسبوعين تقريبا ) و تمت اسبوع كامل

الى 22 رمضان

انا دورتي مو منتظمة بس قبل زواجي بشهرين انتظمت ..

و الحين من آخر أسبوع من رمضان الى الان ما نزلت ..

يعني احنا الحين في الشهر الثاني بعد رمضان

و نهاية هالاسبوع بكمل شهر من اتزوجت

تتوقعون حامل؟

الشي الثاني ان ينزل علي افرازات بنية مو واجد شي بسيط جدا

و الشي الثالث من يومين في العلاقة الخاصة

طلع مني دم .. و كنت أتألم .. لكن بعدها وقف .. ما ادري شسالفة ؟

يا ليت تساعدوني يا بنات لاني توني جديدة على هالسوالف و طبعا في أسئلة كثيرة تمر في بالي ..

و والدتي تستحي تتكلم معي في هالمواضيع .. فكيف اذا بصارحها

يعني مالي أحد الا الله ثم أنتوا ..

[shahad fahad]

مرحبا يالغاليه .. انا من رايي تروحين لدكتورهـ نساء وتكشفين واذا ما تقدرين تروحين اتصلي واستفسري

والله يهنيك بحياتك ويرزقك بالذريه الصالحه يارب ..

[سعوديه ماركه]

سوي تحليل منزلي وان شاء الله حامل يارب وروحي دكتور نساء والله يسعدك ويكتب لك اللي فيه خير

طمنيني عنك وان شاء الله تبشرينا بحملك يارب

[قمر 007]

هلا بعروستنا الحلوووه
اولا الله يوووفقك ويسعدك
ثانيا سوي تحليل علشاااان ترتاااحي
وتاخذي بااالك من نفسك
وان شاااء تكوني حااامل الله يرزقك الذرية الصااالحه

ولا تستحي غلاتي كلنا اخووواتك اي شي تبينه حاااضرين