برياني لحم اممم (محرم)
السلام عليكم ورحمة الله وبركاته
هلا بالغوالي الي ماسئلو عنيبس عادي هم احبكم
المهم طبقي اليوم برياني لحم ان شاء الله يعجبكم
المقادير
لحم قطع نسلقة في ماء مع بهارات صحيحه ( هيل -قرفه- ورق غار-فلفل اسود -كزبره -قرنفل -زنجبيل )
وبهارات فلفل اسود ومشكل مع كمون الى ان ينضج بعدها نضيف الملح ونخليه 5 دقايق بعد
رز على حسب عيلتك
3 بصل مقطعين جوانح
حبة بطاطا مقطعه ومسلوقه نصف سلق
حبة طماطم مقطعه شرايح
حبة جزر مقطعه دوائر
نصف حبة فليفله خضراء مقطعه جوانح
نضيف زبده في قدر الطبخ
لتحمير البصل
نضيف البهارات الصحيحه الى البصل ( ورق غار وزنجبيل وقلقل احمر وفلفل اسود وهيل ومسمار وكمون )
مع الفليفله الى ان يذبل ونضيف الجزر
ونحركه شوي
وبعدها نضيف اللحم والطماطم والبطاطا وملعقة معجون طماطم ونبهرهم بالملح والفلفل الأسود ومسحوق الكاري وبهارات البرياني
ونخليهم يعلى نار هاديه الى ان يتسبكون في هذي الأثناء نسلق الرز نصف سلقه مع شوية زبده وفلفل اسود بهار البرياني والملح
ونصفيه
ونحط طبقه رقيقه من الرز في قاع القدر ثم من الكشنة اللحم
ثم باقي الرز ثم كشنه الى ان نصل الى الأخير الرز يعني على حسب الرز واللحم وعيلتك طبعا احنا عيله صغيرونه فالمقادير صغيره
ونرش عليه صفار الزعفران ونغطيه بورق المنيوم ونخليه على اهداء حراره
ونقدر نضيف زبيب فوق الرز للي يحبون الزبيب
ونخليه الين يستوي ياخذ على حسب الفرن اخذ عندي انا نصف ساعه بس الكميه الكبيره ياخذ ساعه انا لما اسويه الى اهل زوجي ياخذ ساعه كامله
ويقدم بالعافيه على قلبوبكم
ونزينه بشرايح البصل المقرمشه امممم
واكيد مع صحن السلطه
لاتنسوني من صالح دعاكم ولا من تقيمكم والي ماتعرف تقيم شوفي فيهه ميزان تحت يمين ارعصيه وبس
رد مع اقتباس
مواقع النشر