استشارة

[مدام خوخه]

السلام عليكم ورحمة الله وبركاته

يابنات ابستشيركم في موضوع مدرسة ولدي هو الان عمره 6 سنوات سجلته هذه السنه في مدرسة انترناشونال وعند التسجيل طلبت منهم يعملوله اختبار عشان يجتاز مرحلة الروضه KG1 ويدخل مرحلة التمهيديKG2 المناسبه لسنه بس حبيبي مافلح في الاختبار وهو الان في مرحلة الروضة
عيوب المدرسة : لو مريض مايدقو على اهله عشان يجو ياخذوه_ لوغاب مايتصلو ويسألو عن سبب الغياب _ في بداية السنه بعض الاطفال يبكو فيطنشوهم ولا يعبروهم _ اجازة الحج والصيف فقط توافق اجازة الحكومه يعني هذه الايام ما عندهم اجازه_ القرآن الكريم الى الان اخذ 4 سور بس

حسنات المدرسة: شهادتها معتمده من وزارة التربية والتعليم _ التدريس جدا ممتااااز ومكثف ماشاء الله ولدي دحين يعرف الارقام من 1 الى 100 انجليزي وعربي والحروف العربية والانجليزيه الصغيره والكبيره وكلمتين على كل حرف واسئله عامه ودينيه بالانجليزي هذا كله دراسة ترم واحد ولسا ما انتهى _ الرسوم مقدور عليها - عندهم منهج اللغه العربية في المرحلة الابتدائية وما بعدها من وزارة التربية والتعليم يعني مثل كتب الحكومه_ يدرسو القاعده النورانيه...

طبعا دحين انا وضحت لكم كل شئ عن المدرسة وعن عمر ولدي اللي المفروض السنه القادمه يكون صف اول

الاستشارة... تنصحوني اخلي ولدي يكمل فيها ويتأخر سنه ولا انقله لمدرسة حكوميه ؟؟؟ لو انتو بمكاني ايش راح تعملو؟؟؟؟؟

ابوه مرررره مو متشجع انو الولد يبقى فيها وانا محتااااره

والله يسهل كل خييير

[مدام خوخه]

وين الحبايب

[jojo70]

الحبايب نايمين

عيوب المدرسة : لو مريض مايدقو على اهله عشان يجو ياخذوه_

اصلا ولدك الصباح ما بيطلع من عندك الا وانتي عارفة اذا كان مريض او لا

اتصلي انتي وتابعي الولد واسالي عنه

لوغاب مايتصلو ويسألو عن سبب الغياب _

لو غاب انتي اتصلي او ترسلي رسالة للمدرسة تخبريهم بغيابه وتبيني العذر عشان ما يحسبوا عليه غياب

في بداية السنه بعض الاطفال يبكو فيطنشوهم ولا يعبروهم _

هم ما عندهم واحد والا اثنين عشان يتابعوهم

خليه يبكي يوم يومين واليوم الثالث يتأقلم مع المدرسة وما بيصير يبكي

اجازة الحج والصيف فقط توافق اجازة الحكومه يعني هذه الايام ما عندهم اجازه_

توافق اجازة الحكومة ؟ يعني زيه زي الناس

القرآن الكريم الى الان اخذ 4 سور بس

ولدك لسه في البداية يعني ما دخل سنة اولى واربع سور بداية حلوة لعمره


وما دام ان للمدرسة مميزات تغطي عيوبها خليه فيها هذا رأيي


ولو في رأي للبنات آخر شوفيه يمكن يناسبك وتقتنعي فيه

الاختلاف في الرأي لا يفسد للود قضية

[مدام خوخه]

مشكوووره حبيبتي جوجو على ردك

بس احنا تعودنا لو احد غاب يدقو المدرسة على البيت ويسألو عن السبب

والاجازات اللي ماتوافق مع الحكومه اجازة نهاية الترم الاول والاستراحه في وسط الترم الثاني

وحكاية المرض انه يوم من الايام راح وهو مافيه ولاشئ وسبحان الله استفرغ عندهم وتعب ورجع البيت الساعه 1 هلكاااان ومسخخخخن وتعباااان ياقلبي عليه طبعا هم ينصرفو 12 ونص

والى الان قررنا نسجله مدرسة حكوميه والله يسهل لنا الخيييير وللجمييييع