أكاذيب ابر وحبوب التبييض هالمره تجمع لتاجراتحبوب وابر التبييض الكل يدخل بليز ضروري...
أكاذيب حبوب وابر التبييض..هالمرة تجـــمع لتاجرات حبوب وابر التبييض..الكل يدخل بليز
بسم الله الرحمن الرحيم
السلام عليكم ورحمة الله وبركاته
الحمد لله و الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين صلاة يغفر بها الذنب وتقبل بها التوبة وتحل بها البركة وتدرك بها الشفاعة ..
اللهم اكفنا بحلالك عن حرامك واغننا بفضلك عن من سواك
اللهم انت المستعان وعليك البلاغ ولا حول ولا قوة الا بالله العلي العظيم .....
بسم الله ماشاء الله لايصرف سوءا الا الله ..
(الهدف من الموضوع : توعية التاجرات اولا .. ومن ثم البنات اللي بيستخدمو .. عن طريقة الاستخدام الصحيحة للحبوب والابر اللي الهدف من شرائها البياض .. لكن طريقة استخدامها الخطأ تخليها مجرد صرف فلوس عالفاضي للزبونة .. وسمعة سيئة للتاجرة ..الله يسعدكم ويوفقكم .. خلونا نرفع شوي من مستوى مجالنا (بيع منتجات التبييض) ونطهرهـ من كل شي ممكن طلع عنه سمعة خاطئة .. هذي تجارة حلال .. وراقية .. ليش نخليها منبع للشائعات والمسخرة والقيل والقال...؟ انا كتبت هالكلام حرصا مني على الجميع تاجرة / زبونة .. والله من وراء القصد .. وهو احكم الحاكمين)
استخدمت حبوب التبييض مافادتني بشي.....!
اخذت كورس ابر مافادني بشي.....!
بس خساير فلوس .. عالفاضي ...
نسمع هالكلام كثير .. صح؟
ليش هالاشياء تصير مع بعض البنات .؟؟؟؟؟؟.بينما على النقيض تماما .. نشوف بنات زبط شغلهم وتم على خير وطايرين من الفرحة انو حلم البياض والنضارة والبشرة اللي زي بشرة البيبي تحقق اخيرا...؟انا جمعت هالمعلومات من واقع خبرة .. تجربة .. معايشة .. لا اكثر ولا اقل ..
خليكم معي أول بأول .. ورح تعرفو الاسرار المتعلقة في هذا المجال ...
الخطوة الاولـــــى
.. كيف تجني الفائدة القصوى من حبوب التبييض ..؟
هي حبوب بمكونات معينة .. لها جرعة معينة .. لكل وزن معين..
اشرح لكم اكثر ..
كل البنات اللي اتصلوا علي يطلبو حبوب او ابر تبييض.. أول شي اسأله لهم .. كم وزنك ؟
مو مهم اسألها كيف درجة لونك .. لانو اول ولا تالي حيتغير هذا اللون باذن الله .. ويصير باللون اللي هي تبغاه ..
المهم الوزن .. المهم الوزن ..المهم الوزن ..المهم الوزن ..المهم الوزن .. اللهم هل بلغت ؟؟
قاعدة جرعة الجلوتاثيون اليومية :
للحفاظ على الصحة العامة (الوزن الكلي x عشرة 10 ملجم جلوتاثيون) = 500 ملجم
يعني اذا وزنك 50كيلو وعندك حبوب قوتها 500ملجم وتبغي تحافظي على صحتك وسلامة جسمك تاخذي حبة وحدة في اليوم ..
للتبييض الجلد وازالة التصبغ (الوزن الكلي x خمسين 50 ملجم جلوتاثيون) = 2500ملجم
يعني اذا وزنك 50كيلو وعندك حبوب قوتها 500ملجم وتبغي تبييضي جلدك تاخذي 5 حبات في اليوم
(على ان لا تزيد الجرعة عن 4000 ملجم يوميا ) ممكن يوم تاخذي جرعة 4000 وممكن تاخذي بعدها يومين جرعة 3000 وهكذا .. المجال واسع
كل المواقع اللي تبيع حبوب التبييض (الاصلية) تشدد عالجرعة .. وكل علبة مكتوب عليها بالانجليزي بس انا بترجمه لكم :
(استخدم حبة يوميا .. او حبتين يوميا .. او حسب ما يصفه لك المختص) ......!
يعني .. اللي حابة تحافظ على صحتها .. تاخذ حبة ..
واللي تبغى اشراقة وطلة بهية .. تاخذ حبتين ..
واللي تبغى تبيض ووزنها 70 تاخذ 3500 وهكذا ...!
(مثال واقعي صار معي قبل كم يوم .. اتصلت علي بنت الله يوجه لها الخير .. تستفسر بس .. لانها مقررة تاخذ من تاجرة ثانية .. بس حبت تسألني كم سؤال .. سألتها عن وزنها طلع 50 .. ولونها الاصلي كانت حنطية .. فلما حددت الها الجرعة (2500) ومدة الاستخدام (اربع شهور) .. تفاجأت وقالت انو هالتاجرة قالت لها تاخذي حبتين باليوم قوة 500 !!!مستحيل انا هنا انصدمت!!!! .. يعني جرعة 1000 .. يعني ثلث جرعتها اليومية المطلوبة ...!
حرام والله حرام هالبنت لو ظلت تبلع حبتين باليوم 100 سنة والله ماحيتغير لونها... وخساير عالفاضي.....! قلت لها سلمي لي عليها وقولي لها تقولك ام شهد ارجعي لموقع الشركة المصنعة وشوفي طريقة الاستخدام الصحيحة وتحديد االجرعات ...!
الخطوة الثانية :فيتامين سي .. وما ادراك ما فيتامين سي !
ياحبيباتي ياعسولات يا تاجرات ياللي تبيعو الجلوتاثيون .. انا اوجه هالموضوع لكم اكثر مو للبنات .. لان البنات يتقيدو بنصائحكم تمشي عليها بالحرف ..
وانا عارفة انو موضوعي هذا ممكن يسبب اختلاف في الرأي لكن .. الحقيقة واضحة .. للي حابة تستفيد .. اما الي حابة تجادل من فراغ ..
مو مكانها هالموضوع .. في تجمعات حبوب التبييض كثيرة من هالنوع قائمة عالجدل والاخذ والرد الفارغ
فيتامين سي ياحبايبي المستخدم مع الجلوتاثيون لغرض تبييض البشرة (لابد - ضرووووري مهم - اساسي - لازم) يكون ضعف كمية الجلوتاثيون ..
يعني لكل ملجم جلوتاثيون 2ملجم فيتامين سي ..
على ان لاتزيد الجرعة اليومية عن 4000ملجم
هنا رح تتضح للبنات اشياء كثير كانو غافلين عنها .. للاسف بسبب التاجرة نفسها ....!
مو ذنب الزبونة ماستفادت .. الذنب والغلط عالتاجرة اللي ماتعرف ابسط حقوق زباينها ..!
للاسف .. بعض التآجرات .. تعرف حقوقها .. تعرفها زين ..
تعرف انو من حقها يحولو لها المبلغ قبل التسليم .. من حقها يكون قيمة الشحن على الزبونة .. من حقها تكون قيمة الاتصال عالزبونة..
كل هالحقوق تعرفها .. بس وين حقوق الزبونة ...؟
الزبونة من حقها تعرف كل شي يخص هالمنتج اللي رح تدفع ثمنه فلوس ..
الزبونة من حقها يوصلها المنتج بشكل لائق ومن خلال شركة شحن مرتبة .. وبعلبة فاخرة .. مو بكرتونة صنـــــدل وانتم بكرامة ...!
لان اولا واخيرا .. هذا مظهرك كتاجرة .. والزبون دائما على حق
يعني انا مثلا .. أشحن من خلال الشركات العالمية .. ارامكس .. فيديكس .. وبشكل رائع وأتعب عليه انا شخصيا .. ولما يوصل الزبونة مكتوب عليه اسمها مسبوق بلقب سواء كانت آنسة أو مدام ..
تحس انو في اهتمام مني لها شخصيا .. ومهما صار ما حتنسى انو جود عاملتها بشكل لائق .. لو ينقاس بالفلوس حيطلع أضعاف اللي دفعته ..
والله انا ما اعذر ولا اسامح اي تاجرة حبوب تبييض تلاعبت بزباينها .. لانها شوهت سمعة ناس كثير ..
والله مالها عذر .. مالها عذر .. مهما كان .. مالها عذر ..
طيب انتي اشتغلتي في هالمجال .. لازم تعرفي عنه كل صغيره وكبيره .. كل شاردة وواردة .. اسألي استفسري .. الجهل مو عيب .. العيب انك تتمادى بجهلك...!
والله عندك الف طريقة ..
اللي ماتعرف اجليزي .. مو عذر .. قوقل ماقصرت .. ترجم لك ام الموقع اللي انتي تبغيه..
اي عذر لايمكن يكون مقنع في هذي الحالة ..
طيب .. تخيلو لو اقولكم عن دكتور ظل يعطي مريض قلب (الله يعافي الجميع) ظل يعطيه نفس الدوى المطلوب .. لكن بجرعة اقل .. وكان لازم ياخذ معه دوا ثاني ما وصفه له الدكتور ..
مع الوقت .. مات المريض .. مش لانو ما اخذ الدوا .. لا هو اخذه بس مش حسب المطلوب ..
في هالحالة .. لو نعرض الحكم على هالدكتور للرأي العام .. كيف حتكون الاراء...؟
اكيد حتكون ضدهـ .. وذنب المريض برقبته .. لانو هذا مجاله وما عرف له ..؟ فمين حيعرف أكثر من الدكتور ؟ السباك ولا الشرطي؟
ونفس الشي .. حتكون ضد التاجرة .. وفلوس البنات برقبتها .. ثـــــــالثا .. مدة الاستخدام .. وكذبة الكورس الكامل .. !!!!
في كذبة ما ادري شلون تروج لها بهالمنطق .. كورس كامل .. ثلاث شهور؟؟؟ هههههه والله ضحكوني ..
يعني افهم من كذا انو عندنا ثلاث بنات (بيضاء .. سمراء .. سوداء) وباوزان مختلفة (رشيقة .. متوسطة .. بدينة) هل مع الكورس الكامل
اللي يقولو انو (3شهور حبتين في اليوم) كلهم حيصيروا بنفس الدرجة من البياض ....؟
الله أكبر عليكم بسسسس ....!
والله كل هالحكي نصبXنصب ..
ياعالم اصحو .. مافي شي اسمو كورس كامل ..
هذي كذبة اخترعوها عشان يصرفو الكمية اللي عندهم .. والله مافي اي سبب ثاني ..
في شي اسمو انك تستخدمي المنتج ايا كان .. كريم او حبوب او ابر او لوشن .. مش بس لما يخلص توقفي .. لا .. كملي الين توصلي
النتيجة المطلوبة ... هذا هو الكورس .. ممكن يكون سنة حتى لو لزم الامر ..
نرجع للشركة المصنعة .. تقول.. للابر طبعا .. مع انو الكلام ينطبق برضو عالحبوب ..
استخدام الابر والحبوب .. لذوي البشرة الفاتحة (حنطية او صفراء) شهرين الى 4 أشهر حسب استجابة الجسم لها (سمراء او برونزية) من
4الى 6شهور (السوداء 6الى 12 شهر)
الخطوة الرابعة:طريقة الاستخدام .. كمان كذبXكذب ..
المعلومات اللي عند البعض للاسف .. خاااااااااااااااطئة ..
طريقة استخدام الابر:الابر تستخدم مرة كل ثلاث ايام .. مثلا تاخذيها السبت والثلاثاء من كل اسبوع .. الين توصلي الدرجة المطلوبة ..
طيب اللي تاخذ الابر..ع قولت بعض التاجرات مرة في الاسبوع .. حرام تاخذها 10 اسابيع والله حرام ماحتشوف نتيجة مرضية بالعكس ..
ممكن تيأس لانها ماشافت تحسن ابدا ..
طريقة تناول الحبوب:الحبوب تؤكل مرة او مرتين يوميا على معدة فارغة (قبل الاكل بساعة .. او بعدهـ بساعتين)
بعض التاجرات الله يهديهم .. ماتجيب سيرة لهالشي .. لسببين .. اما انها ماتعرف هالمعلومة .. او انها مفترضة انو الزبونة
عارفة ومايحتاج تقول لها ..
هنا نرجع لـ (حقوق وواجبات التاجرة والزبونة) ....!(مثال حقيقي)والله احيانا في ناس تكون مستواها شوي بالذوق والايتيكيت .. اجي بقولها معلومة تقاطعني وتقول عارفة عارفة مايحتاج تقولي .. لكن انا ماكأني سمعت شي أكمل كلامي ابراء للذمة .. وتسجيل موقف .. فقط لاغير ...!
يعني يا بنات .. اللي تبغى نتائج واضحة تاخذ الحبوب على الريق .. ولا غير كذا .. ماحتشوف نتيجة مرضية ..
طبعا .. هذا مالدي حتى الان .. وهالموضوع بأذن الله حيكون متجدد ..
يعني كل ما حأعرف شي جديد ومفيد حبلغكم اول بأول ..
بس هذا يعتمد على تجاوبكم .. يعني بليز .. اللي تكون مهتمة بهالموضوع .. سواء تاجرة او زبونة .. تسجل حضورها هنا .. رفعا للمعنويات
.. سواء كنتي عضوة .. او زائرة .. لا تبخلي بمعلومة ممكن تفيد .. حسب تجربتك اذا كنتي مجربة .. لو بكلمة جزاك الله خير .. لان هالموضوع نزلتهـ لعيووووووووونكم ممنوع وضع ارقام هواتف ان تكرر ذلك سيتم حظرك
والحمد لله ما فيه اي احد من زبايني اشتكى من اي منتج عندي...
رد مع اقتباس
مواقع النشر