غداي البسيط(ايدام باذنجان)...
السلام عليكم جميعا...
ان شاء الله انكم بأتم صحه وعافيه يارب...
كنت محتاره ع الغدا وش اسوي لان ثلاجتي فاضيه ماشرينا مقاضي الشهر لاني رايحه لاهلي اجازه شهر...
وماحبيت اشتري للثلاجه وتخرب حرام...
فجلست افكر وادور بالنت وش الحل...
بالاخير طحت على وحده بمنتدى من المنتديات الله يسعدها ويوفقها كانت مسويه ايدام شكله مشهي...
وقلت بسويه مع شوية تعديلات طبعا لازم كل وحدع ونفسها بالاكل...
مابغا اطول عليكم زياده هذي الطبخه...
المقادير:-
لحم غنم(وعلى كيفك وش تختاري انا قطعت اللحم صغار واخذت عضمه للعرمشه هههه).
بصله وحده وثوم مفرومين او مقطعين صغااار.
فلفل رومي مقطع مربعات.
2 طماطم مقطعه مربعات صغار.
ملعتين ك صلصة.
جزر الكميه حسب الرغبه مقطعه شرائح.(مقليه بزيت غزير)
باذنجان مقطع شرائح.(مقليه بزيت غزير)
بطاطس مقطع شرائح.(مقليه بزيت غزير)
بهارات(كركم+فلفل اسود+كمون+كزبره ناشفه مطحونه+ملح)
الطريقه:-
اول شي اول شي نقلي الخضار الباذنجان والجزر والبطاطس.
بعدها نشوح البصل والثوم والفلفل الرومي ع الزيت لما تذبل لونها.
وبعدين حطي اللحم واذا سار لونه على بياض حطي البهارات وحركيهم زين.
بعدين لما تحسي اللحمه اخذت لون احمر خفيف حطي الطماطم لما تحسيها ذابت مع اللحم.
بعدين حطي الصلصه وحكريهم مع بعض زين وضيفي مويه لا تكثري بس الي تكفي لنضج اللحمه.
لا تنسي الملح.وخليها 15 دقيقه على النار.
بعدين لما تستوي اللحمه حطي الخضار المقلي.
وذوقي اذا يحتاج زيادة بهارات زيدي.
وخليها ع النار 10 دقايق تتسبك مع بعض.
لا تنشف المويه انتبهي.
وقدميها مع خبز بالعافيه على قلوبكم...
رد مع اقتباس
مواقع النشر