مكرونه و تونه ..... بس غير :)
بسم الله الرحمن الرحيم
اول مشاركه ليا في هذا القسم
اكلة ماادري ايش صلها بس افتكر وحده كبييييييره في عيلتنا ترجع اندونيسية ودااااايما تسويها ومن كتر الادمان سرت تقريبا اسبوعيا اسويها ....
الكمية لــ 4 اشخاص ...
المقادير ..
علبتين تونه كبيرة 185 جرام للعلبة
بصلة كبيرة او 2 وسط
معجون طماطم
1/2 كاسة جوز الهند <------- 1
بهارات " 1/2 ملعقة ملح ليمون <------- 2 . 2 الى 3 ملاعق شمر مطحون <------- 4 . 1/2 ملعقة جوزة الطيب <-------- 3 . ملح <------ 5 . فلفل ابيض <------- 6 "
كيس ونص مكرونه اسباجيتي
ربطتين كزبرة
3 حبات خيار
3 حبات جزر
تقريباً نص حبة متوسطة ملفوف
ممكن كراث او بصل اخضر حسب الرغبه
بسم الله نبدأ ...
تقطعي البصل صغيييييييييييير و تكشنية بزيت التونه الين يسير شفاف بس انتبهي لا ينحرق ولو حسيتي انو الزيت نشف زيدي ملعقة زيت زيتون
اضيفي التونه وقلبي الين تتلخبط التونه مع البصل وتبدأ تنهرس التونه تقريبا وضيفي البهارات
ضيفي معجون الطماطم
و قلبي و تكوني مجهزة مويه مغليه ولمن تحسي انو حتنحرق ضيفي المويه بس موكتير يمكن كاستين او 3 بالكتير يعني تسير زي شوربه الكويكر ثقلها " مااعرف اشرح "
حمصي جوز الهند الين يسير لونو زي كذا او اغمق شوي يعني بني فاتح
ضيفية على التونه وهيا بتغلي وقلبيها وخليه على نار هادية وبكون تكون التونه انتهت
اسلقي المكرونه بمويه مع زيت وملح الين تستوي
قطعي الخيار و الكزبرة وابشري الملفوف والجزر و خلي كل شي في صحن
طريقة التقديم ...
المكرونه بعد تصفيتهاخليها في صحن
والتونه في زبديه
وحطي في صحنك مكرونه قد ماتبغي و حطي عليها من الكزبرة والخيار والجزر والملفوف حسب الرغبه و فوقها التونه وقلبي وسمي
طعمها خيااااااااااالي
و بالعافيه
جربوها واعطوني رأيكم
BEDOUR.T
رد مع اقتباس
مواقع النشر