بسم الله الرحمن الرحيم
السلام عليكم ورحمة الله وبركاته
هذه الكيكة من أحلى الكيكات اللي جربتها..
انصحكم اجربوها وإن شاء الله راح تعجبكم
وعذروني إذا فيه وحدة امنزلتها من قريب..
دورت وما لقيت الوصفة
واسمها كيكة السينابون
هذه صورة الكيكة..
بسم الله نبدأ..
المقادير والطريقة بثلاث خطوات إن شاء الله..
الطبقة الاولى..
3 بيضات
1 م.ك فانيليا سائلة
1 كوب سكر
1 كوب زيت
1 علبة حليب أبو قوس (مال الشاي)
نخلطهم بخلاط الكيك ويترك على جنب..
الطبقة الثانية..
1ونص كوب طحين
2ونص م.ك B.p
ذره ملح
نخلطهم مع بعض وانضيفهم على الطبقة الأولى ونخلطهم..
الطبقة الثالثة..
3 م.ك قرفة مطحونة(انا حطين 2 بس)
3 م.ك سكر بني ناعم(انا حطيت 2 بس)
يخلط مع بعض ويترك على جنب..
نحضر قالب دائري مجوف من المنتصف مدهون بالزيت ومرشوش بالطحين ونصب فيه نصف خليط الكيك
وبعدين انحطي الطبقة الثالثة وبعدين نصب الباقي من خليط الكيك بحيث يغطي طبقة القرفة..
وندخلها الفرن حتى تستوي.. ثم انخليها تبرد وبعدها نقلبها في صينية التقديم ونسوي الصوص
الصوص..
1 حليب ابو قوس(مال الشاي)(استخدمت ثلث كوب)
1 قيمر (قشطة)(استخدمت نص علبة)
2 م.ك قرفة مطحونة(استخدمت ملعقة شاي مليانة)
نخلطهم مع بعض ونصبه فوق الكيكة ونزينه بصوص الهيرشي السائل مع مكسرات عين الجمل
ويقدم..
هذه صورتها بعد التقطيع
وبالعافية عليكم
لا تنسوني من صالح دعواتكم الطيبة
وبانتظار ردودكم الحلوووه
في أمان الله
مواقع النشر