السلام عليكم ورحمة الله وبركاته
كيفكم ياحلوين إن شاء الله بخير
اليوم سويت مع القهوه كنافه كذابه حياكم عالمقادير والطريقه وبالصور طبعا
خبز صامولي او توست انا استخدمت خبز كنتاكي
تفرمينه بالفرامه وتحمصينه مع قطعة زبده وسط
وهذا بعد التحميص
الحشوه:
2 كوب ماء
6 ملاعق اكل حليب بودره
ملعقتين مليانه اكل نشا
فنجانين سكر
تخلطينها مع بعض عالنار وتحركينها لما تثقل
تحطينها بزبديه كبيره وتخلينها لما تصير فاتره
وبعد ماتصير فاتره حطي معاها علبة قشطه وحركيها
جيبي صينيه بايركس وحطي نص كميه الخبز المحمص وصبي الحشوه
وغطيها بباقي كميه الخبز المحمص
شوفوا كيف طبقات حلوه
يلا ندخلها الحين الفرن عشان تتحمر من تحت ومن فوق
وهذي الحلوه حقتنا لما طلعناها من الفرن
وهنا مع الشيره وااااااااو
ترى مره طعمه
وهنا من قريب طبعا مافينا صبر اكلناها قبل ماتبرد
إن شاء الله تعجبكم كنافتي الكذابه
في أمان الله
مواقع النشر