السلام عليكم ورحمة الله وبركاته
اخواتي حبيباتي وغالياتي جبت اليوم طريقة الرز مع السمك او اسمها المعروف الصياديه
عملتها عشاء لاصحاب زوجي وماشبعو منها ضلوا كل مرة بدنا صيادية قلت انا لازم اتفنن من الاول
هههههههههههههههههه
بالعكس هاد مزح انا كتير بحب اطبخ يووووووووه خلص ما بدها حكي اكثر من هيك
المقادير
سمك فيليه تقريبا انا استخدمت 4 كيلوا
ارز بسمتي النوع اللي تحبيه مش نوع معين انا استخدمت الشعلان 2 كيلوا
البهارات : ملح+ فلفل اسود+ كمون+ بابريكا+ بهارات سمك+ لومي
وكمان بدنا ليمون عصير تقريبا ملئ كاسة الماء +ثوم ناعم نص راس +بصله كبيرة مفرومه ناعمه
الطريقه :
نتبل السمك بنصف كمية الثوم الناعم اولا
نخلط ملعقتان طعام من الكمون +ملعقتان طعام من بهارات السمك+ملعقة طعام من البابريكا+ملعقة ضغيرةمن الملح +ملعقه صغيرة من الفلفل الاسود في صحن
ثم نتبل السمك ايضا بالبهارات التي خلطناها
ثم نضيف عصير الليمون تقريبا كاسة شاي
ونتركه لمدة ساعه على الاقل قبل القلي
وبعدين نغطيه بالطحين ونقليه ونضعه على جنب رح ينزل كتير من عصير الليمون والبهارات منه (ملاحظه الليمون والبهارات المتبقيه من السمك خليها رح نستعملها لا ترميها )
في الطنجرة نضع البصل المفروم ناعم ونضعه معه الزيت (الزيت ضعي كل كمية الزيت لطبخ الرز يعني كأنك بتحطي زيت الرز وانا بفضل الزيت اللي قلينا فيه السمك لانه النكهة فيه وما بروح خسارة زيت السمك لا يمكن تستخدميه لاي اشي تاني حطيه على الرز )
ونتركه مع التحريك حتى يصبح لونه ذهبي ثم نضع باقي الثوم الناعم ونضع قطعتين من السمك من اجل النكهة
ونحرك حتى يذوب السمك تقريبا مش ضروري يذوب على الاخر بس تفتيت ونضع حبتين من اللومي
وبعدين نغسل الرز جيدا بالماء البارد بدون نقع نهائيا ونضعه على الخلطه في الطنجرة وننضع الليمون المتبقي بعد قلي السمك ونضع باقي الليمون المعصور وباقي البهارات على الرز لازم الليمون والبهارات على الرز سر النكهة ومكعب ماجي واحد بس
ونضع الماء المغلي على الرز ونتركه حتى ينضج ومن ثم التقديم
نضع الرز ونفرد على وجه الرز السمك المقلي ونزينه ونقدمه
والنتيجه هاد الصحن للشباب
وهاد الصحن تعشيت عليه
اخواتي ادعوا للاخت ام عمر بالشفاء لانو انا مابعرف اعمل الصور واصغرها والله يجزاها كل خير بعت الصور الها كتبت اسمي عليها وعدلت حجمها صغرته
ام عمر تعالي عندي اعملك الصيادديه عرفانا بالجميل
مشكورة يا ام عمر على المساعدة
الله يجزاكي الخير ويريح بالك لأنه بدونك ما كنت رح أعرف انزل الموضوع
يسلمووووووووووووو غاليتي
مواقع النشر