من تدخل فيما لا يعينيه ...
لقي مالا يرضيه
هذي التجربة حدثت لي في أقل من شهر
أخي مسافر بالمملكة العربية السعودية ..
طلبت من أن يشتري لي جوال سعره تقريبا ألف سعودي أو أكثر ..
ما أدري بالضبط ..
( لكنه هو غالي بفلوسنا يطلع )
مثل ذا :
أخوي اعتذر ..
وقال لي ..
ما بقدر اشتريه بذا المبلغ كله ..
اني ما زعلت منه .. بالعكس عجبني مصارحته ..
احسن من انه يوعدني ويخلف وعده ... مثل أحد أعمامي وعدني بأن يجيب لي جوال .. ولا أدري لماذا لم يأتي به لحد الآن ؟؟!
فأختي لما راحت رحلة مع مدرستها وزميلاتها المعلمات اشترت لي جوال ..
يشبه البلاك بيري .. وهو صيني .. اسمه (TOOT)
وذي صورته :
أني فرحت به كثير ..
جاءن لي بعض صحباتي .. يقولن لي مبروك وكذا ..
وكلهن فرحانات لأجلي
( أسعدهن الباري ) << اللهم آمين
وبعدين جات وحدة هي جارتي وزميلة مقربة مني .. ولما رأته
( وأصلا هي دائما كل حاجات الناس ما تعجبها )
قالت لي : وش الربشة ذي كلها ..؟؟؟!
جوال من أختي جوال من أختي ؟؟!
حسبته شيء أحسن من كذا بكثير ..!!
هذا مش جوال مثل حق الناس ..
حروفه متراصة..
صيني ما بتشتغل فيه خدمة النت يا مدمنة النت << واشتغل النت فيه
وقسم بالله النت يشتغل فيه اقدر افتح فيس بوك ونمبز وقوقل وهوتميل وأي شيء أبغاه
قلت لها : ما دامه من أختي ..
وأني أدري إنها تحبني كثير ..
حتى لو سعره ( 5 ريال يمني ) أني عاجبني وداخل برأسي .. ^_^
وسكتها سكتة قوية ..
ومرت فترة سكوت ..
جيت أني وبدلت الموضوع معها ..
ألا وشوي أمها تتصل عليها ..
( أني ما كنت أعرف أنه معها جوال !! ولا أدري متى سوته ..)
لما طلعت الجوال من الشنطة ..
إلهي وأنت جاهي ومولاي وسلطاني على جوال ..
لا كاميرا فيه
ولا بلوتوث
ولا أي مميزات غير أنه نوكيا وبس
يعيبون على الناس والعيب فيهم ..
رديت عليها على طول :
اللهم لا شماتة ...
بعدين زعلت عليها وحسيت ردي قاسي ..
وإن كانت هي هبلة وتجيب كلام ما تجوزأصلا تجيبه ..
بس أني عمري ما جرحت حد ..
وحسيت ردي جارح كثييير لها ..
ولما جيت أقول لأختي ..
ردت علي وقالت لي : خليها تستاهل ..
من شان مرة ثانية ما تحشر نفسها ..
بس تصدقون يا بنات .. من بعد كلمة اللهم لا شماتة .. ولا مرة قالت لي لا كذا ولا كذا بحاجاتي الخصوصية التي لم أطلب رأيها فيها
نصيحة من تجربتي :
لا تقولي رأيك بحاجة لا تخصك .. إلا إذا طلب منك
فبض الآراء تكون قاسية ولا يستطيع الطرف الآخر تحملها ..
وفي حالة أنه أحد طلب منكي رأيكي .. وصلي له فكرتكي بالطريقة الصح ..
لا بالعجرفة
شكرا
لكل من سيقرأ تجربتي ويسعدني برد عليها ^_*
مواقع النشر