السلام عليكم ورحمة الله وبركاتة
ياليت لو تفسرون لى حلمى بسرعه
تحلمت انى لابسة فستان العرس وكأني بالمدرسة وقت الدوام ( بالصباح) وقاعده امشي بحوش المدرسة وشوي دخلت حمام المدرسة (وانتم بكرامه) وكنت زعلانه علشان ماسويت تسريحة كنت بس مجدلة(مظفرة) شعري وشفت بنت من جمعتنا (تقرب لنا )اسمها ريم( بثالث ثانوي ) جت من وراءي ويوم لفيت وجهى يمها ظمتنى وكانت تتكلم بس مااتذكر وش كانت تقول وشوي قلت لها بسوي تسريحة وانا كنت اسوي التسريحة قاعدة تقول والله خسارة ماسويتي تسريحة وهذا هو يوم عرسك وشوي طلعت ورحت للفصل ورحت لمكانى وراء وقلت يالله بلحق على الزفة او على التصوير( مادري بس كنت مستعجلة هذا اللى اتذكره ) واقول عدلوا الطرحة لى وكانت عندنا بنت اسمها ريم (وحدة ثانية) شافتني بعدين مشت ولا تكلمت وانا كنت قاعده اعدل الفستان واعدل شعري وكنت فى بنت وراءي تعدل بس ماعرفتها وشوي الا انا كنت بحوش المدرسة اللى عند باب الطلعه وكنى قاعده ادور عباتي وماحصلتها واشوف عباءه طايحة عند دريشة فصل صديقتي واخذها والبسها وشفت انها عباءت راس( وتضايقت) وانا ماابيها كنت ابي عباءيت كتف واطلع بالشارع وكان فية بنات بس شوي انتظر المعرس يجي ياخذنى ((بالظهر وقت الروحه للبيت ))) وحر الا اشوف جيب مغبر لونه سماوى وفية رمادى ومغيم قلت بنفسي هذا هو وشوي لف بالسيارة مع انه كان زحمة لف بالسيارة علشان يرجع ياخذنى عدل ويجي يوقف عندى الا شوي اانا كنت ببيتنا واقول لا امى شفتى التسريحة اختربت (كانت الجديله مختربة) واوقف عند مغاسل الرجال واشوف وجهى كان مافية مكياج وشعري عادى بس مخرب وكأن ماعلى فستان العرس الابيض ماادري وش كنت لابسة وبيتنا كان هدؤ مافى احد الا امى بس
وبس هذا اللى اتذكرة
الحلم كان يوم الجمعه 29/3/1427 هـ او السبت
معلومات / ادرس بثاني ثانوي( 16 سنة) / انسة / اختى مملكة وعرسها بشهر 5 عربي
ياليت لو تفسر لى الحلم بسرررعه
مواقع النشر