السلام عليكم ورحمة الله وبركاته ..
أنا بنت عمري 14 سنه وأخوي أكبر مني عمره 17 سنه
مشكلتي أن اهلي كلهم يحبوووووووووووووووووووووونه حب مب طبيعي
وإذا سوا شي غلط مايقولون له شيء وأنا لو سويت شيء بسيط هاوشوني وسووها
سالفه كبيره وقومو القيامه عشانها ..
خصوصا أختي الي أكبر مني عمرها 21 سنه تحبه وأمي وأبوي يحبونه مره
مره أنا كنت توني مخلصه من الآب توب حقي هو مخصص لي يعني وشاريته بفلوسي
المهم أنا طفيته وقالت اختي عطيني اللآب حقك وأنا قلت لآ ورحت مشيت أنام
طبعا ماحب أحد ياخذ أغراضي عشان كذا عييت
ويوم جا اليوم الثاني زعلت وماصارت تكلمني وكله تسبني كل هذا عشاني ماعطيتها
تدرون لأنها تكرهني أصلا .. وأخوي أصلا مره طلبت منه شيء وعيا عليها وقعدت تترجاه
وتقوله تكفى فصول وتدلعه بعد المهم أنا انقهر منه واغار منه وهو معيي عليها يقول لآ تحااولين
وماسوالها شيء .. أصلا هو نادرا مايسويلها شيء وانا لآ بغت شيء خدمتها وماقصرت فيها
أساعدها في كل شيء بس كل هذا مايبين في عينها ..
المهم عادي ماتزعل عليه وحتى لو زعلت يجي اليوم الي بعده وألقاها راضيه هذا إذا زعلت
اصلا هو كل مايطلب شيء تسويه له وماتردله طلب أبدا
وانا اذا قلت لها شيء قالت ضفي وجهك ولآ قالت توكلي ولآ منب فاضيتلك ولا هاوشتني وصارخت علي .. وأنا خدومه ع نياتي والله م أقصر بس مدري ليه كذا قسم ظلم قهر
كل شيء هم يدلعونه ويحبونه بس والله أنا م مصبرني ع البيت غير أمي والله هي أكثر وحده تحبني فيهم بس أحسها تدلعه أكثر وتخاف عليه وانا لاقلتلها بطني يعورني تطنشني مع أنها تحبني بس مدري ليه كذا :(((( ... نفسيتي مره زفت وكل وقتي ع اللاب توب اقعد عليه طول اليوم مااقعد مع أهلي أبداً لأنه دايم يهاوشوني او يصارخون علي :(((
أقول لنفسي ليش البنات لا والعيال صح ليش العيال أيه والبنات لا ليش الولد يصلح والبنت مايصلح ليش البنت محرومه والولد فالها ليش البنت ماتطلع مع صديقاتها ليش الولد يفلها مع أخوياه ليش وليش ..
قعدت أصيح أيام كثيره من دون محد يدري ,,
صرت أسوي زي العيال أحب كلامهم أحب لبسهم أحب طريقتهم وأحب العربجه وأحب استهبالهم
وكل شي أسويه زي العيال مأحب اشياء البنات كلها .. اهلي لين جو يحطون لي ميك أب اقول لا ماحبه اصلا ماحبه صدق انا ماحب البس اشياء حلوه حقت بنات احس مو لايقق ..
لاتقولون بويه انا مو بويه ماحب البويات أكرههم صرت أفكر اصير بويه بس قلت حرام وبتحرم علي الجنه ... والأكبر اني احب بنت مثلي بس مضايقني هالشيء قهر قهر
صرت أصيح والله ايام ليش العيال مدلعين والبنات لا اوف :( !
أفكر بأشياء جنونيه بس حرام عشان كذا مالي ألا اني اصيح واصيح لين اطلع القهر الي فيني ولين أكبر وأعقل بس أبي استانس كله بالبيت , وأنا اخاف من اي شيء "(
تكفون ساعدوني ودي أصير ولد بس ماقدر ساعدوني :( !
رد مع اقتباس
مواقع النشر