الرز البخاري مع الفراخ المشويه وصدور الديك الرومي بالصور
رجعت ليكم حبيباتي بعد غياب بطريقه الارز البخاري ممكن تكون مختلفه شويه بالنسبه ليكوا بس هي دي
الطريقه المعتمده
بالنسبه ليا انا كنت مجهزه الصور من فتره بس أتأخرت في تنزيلها وان شاء الله تعجبكم ونبدآ بسم الله
بننقع الارز في ماء دافئ قبل الطبخ بنصف ساعه ونحضر طماطم مبشوره وجزر مبشور وبصل مبشور
وفلفل الوان مقطع
من اهم مكونات الرز البخاري بالنسبه لي اللحم انا استخدمت اللحم البقري وممكن تستخدمي اي نوع لحم
تفضليه وتقطعيها قطع متوسطه
نضع في حله مقدار من السمن وزيت الذره ونشوح اللحم حتي تتحمر من جميع الجوانب ونضع كوب ماء مع
التوابل الفلفل الاسمر وورق اللورا
وزعتر وروز ماري ونغطي عليها وبعد ما تشرب كوب الماء اضيف الطماطم والجزر والفلفل والبصل ونشوح
هذه المكونات مع بعض
وبعد ذلك نضيف مقدار المرق المناسب لكميه الارز ونتركه حتي يغلي ونضيف معلقه كاري وببريكا ومكعب
مرقه ونتركه حتي الغليان ثم نضيف الارز
ونضبط الملح ونغطي عليه وبعد الغليان نهدأ النار
ملحوظه الطبيعي مع الارز البخاري هو اضافه المكسرات المختلفه اما بالنسبه لي فانا لا افضل المكسرات
نهائيا وجميع افراد اسرتي
قدمت معه الفراخ المشويه في الفرن وطريقتها بعد تنطيف الفراخ تبلتها ببصل مطحون وطماطم مبشوره
وليمون ومعلقه خل وفلفل اسمر
وروز ماري وزعتر وتوابل فراخ من عند العطار وفص ثوم وكوب زبادي وقليل من الملح وذلك قبل
الاستخدام بليله
وفي اليوم التالي ادخلتها في صينيه وصببت عليها التتبيله وغطيتها بالورق الفويل وادخلتها للفرن وبعد ساعه
تقريبا نزعت الفويل وحمرتها
تحت الشوايه
وقدمت مع الارز ايضا صدر الديك الرومي وتبلته قبلها بيوم ايضا وكانت التتبيله عباره عن بصل مطحون
وتوابل مشكله وفص ثوم
واربع معالق مايونيز ومعلقتين خل عنب وغرزت الصدر بالسكين الرفيع وادخلت التتبيله فيه حتي يتشرب
جميع اجزاء الصدر
وفي اليوم التالي بنفس طريقه الفراخ وضعته في صينيه ووضعت عليه التتبيله وغطيته بالورق الفويل
وادخلته الفرن
وهنا بعد ان تأكدت من تمام النضج ووضعته تحت الشوايه عشان يتحمر بس كان مفروض يتحمر اكتر من
كده بس كنت مستعجله
عشان الضيوف كانوا وصلوا
وقدمت جنبه سلطه زبادي بالخيار والمايونيز هيه سلطه ميكس كده بحبها بالشكل ده
بضع مقدار متساوي من الزبادي والمايونيز مع رشه ملح وسكر ومعلقه خل واضيف الخيار
ووضعت معاه شريحتين رفيعتين من اللفت الاحمر عشان يكون شكلها لطيف
وعملت كمان سلطه كولو سلو معاها بس نسيت اصورها لوحدها
وهنا صوره الارز وعليه قطع الفراخ المشويه
وهنا صوره الارز مع قطع صدور الديك الرومي
وهنا صوره للسفره بس كان النور قاطع ساعتها فطلعت مظلمه وحاولت قدر الاستطاعه تفتيح الصوره
اتمني الاكل يعجبكوا وبألف هنا
رد مع اقتباس
المشاركة الأصلية كتبت بواسطة لؤلؤة2005
مواقع النشر