(*** أنا بحلم بالسلام ***)

[ننا زوزو]

بحلم بالسلام

طول عمرى بحلم بالسلام
لما بشوف غصن الزتون ومعاه حمام
لما بشوف أطفال صغار في أمان نيام
بفرح أوى
وأتمنى حلمي يكون حقيقة ومش منام
الأبرياء فى بلادهم ليه يتشردوا?
ليه للإهانه والدمار يتعرضوا?
لو يعرف الخاينين مين الإله ما إتنمردوا!!!
ليه تموت البسمه ف عيون ناس بريئه?
ليه يموت الحق ف لسان الحقيقه?
ليه إيدين الجبان صبحت جريئه?
وأرجع أقول:

يادوله ظالمه بسألك ....ليه تعتدي??

لماأنتي بتحبي الحياه ليه تبتدي?
بالظلم
وانتي فى اديكي ف لحظه تسعدي
شعبك وشعبي
كفايه بلاش بقى تعندي
وسيبي صفحه صافيه للحياه
ياللا بلاش تترددي
يابلادى نفسى أشوف السلام يرجع لكونك

نفسى أشوف الفرحه ساكنه ف عيونك
وأشوف حمام السلام زاين غصونك
أنا بدعى ربى يحفظك م اللى يخونك

[زهور 1431]

وعليكم السلام ورحمة الله وبركاته

الله يحفظ بلاد المسلمين من كل شر ويرزقهم الامن والامان وينصرهم على المعتدين الظالمين ..

الله يعطيك العافيه ويبارك فيك وفي قلمك اختي الكريمه ..

[ننا زوزو]

وعليكم السلام ورحمة الله وبركاته

الله يحفظ بلاد المسلمين من كل شر ويرزقهم الامن والامان وينصرهم على المعتدين الظالمين ..

الله يعطيك العافيه ويبارك فيك وفي قلمك اختي الكريمه ..

اللهم أمين تقبل الله دعائك أختى الفاضلة ,اسعدني مروركم العطر .

[قطرة ندى]

الله يحفظ البلاد من كل شر يا رب

ويرجع الامن والامان بصراحة اقشعر بدني وانا بقرا

ابدعتي