سر كفتة الحاتى 160

[**tota**]

مهما عملنا كفتة فى البيت بنلاقى ان كفتة الحاتى أطعم –

لكن بعد ما تعرفوا هنا اسرار الكبابجية حتقدروا تعملوا كفتة حاتى ولا احلى كبابجى

سر كفتة حاتى الكبابجية يتخلص اولا فى اضافة لية ضانى للحم المفروم –
لاكساب اللحمة المفرومة طعامة الشوى الضانى –

وثانيا اضافة ارز مطحون لمنع تسرب السوائل من الكفتة أثناء الشوى

فلا تكش بل تطلع كماهى بنفس الجحم ولاتهرب منها طعامة اللحمة


المقادير

كيلو لحم كندوز مفروم
ثمن كيلو لية ضانى
بصلة كبيرة
4 معالق كبيرة ارز مطحون
2 معلقة صغيرة ملح
2 معلقة صغيرة فلفل اسود
معلقة صغيرة ملح صينى
ربع معلقة صغيرة كبابة صينى
ثمن معلقة صغيرة قرفة

الطريقة

نطحن الارز فى مطحنة التوابل حتى يصير ناعم

نفرم البصلة فى الكبة ثم نضيف اللية والرز والتوابل ونضربهم مع بعض كويس
نخلطهم مع باقى اللحمة فى طبق كبير ونعجنهم مع بعض باليد كويس قوى
نترك الطبق مغطى فى الثلاجة ليلة او 8 ساعات
نسخن فرن البوتاجاز فاضى على أعلى درجة – 250
نصبع الكفتة 40 صباع على سيخ أو يد معلقة خشب مستديرة او قلم رصاص – ونرصهم فى صينية
نضع الصينية على عين بوتاجاز عالية كام دقيقة عشان قعر الكفتة يتلسع شوية – لإن الفرن بيسوى وش الكفتة أكثر من قعرها (هذه الخطوة مهمة وهى تؤدى الى تشميع الكفتة – مما يمنعها من فقد سوائلها اثناء الشوى فتظل طرية) ثم نضع الصينية فى الفرن الساخن على الرف الاوسط
نتركها فى الفرن الساخن على أعلى درجة لمدة 20 دقيقة – ثم نخرجها وتقدم فوراً فى طبق مفروش بالبقدونس مع سلطة طحينة

المصدر:my 2 cent

[لؤلؤة2005]

شكرآ لك غلاتي

[اسماء بحر]

تسلمى حبيبتى

[عفاف سيد]

بارك الله فيك