برنامج كوكب المرأه

[صحــ امل ــوة]

[align=center]بسم الله الرحمن الرحيم


* المذيعه
حبيبتى المرأه المسلمه
أهلا بيكى فى برنامجك :


وزى ما انتم شايفين...أنا مذيعه محجبه....لأنى ايه...قولوا ورايا...مسلمه :lol:
((الحجاب بتاعى الفرعونى ده من محلات نفرتيتى
...فوتوا عليهم و قولوا لهم احنا من طرف حسنيه الذكيه 8) اللى بتقدم البرنامج و هما حا يبيعوا لكم زيه ))


تبعا كلكم مستنيين صديكتنا اللتيفه
مدام ((أفكــار)) اللى ظهرت دلوقتى على الشاشه بالحجاب الهندى
....مش ممكن....يا مدام أفكار...فكره تجنن....
الريش و الشياكه و الاناقه دى
تبعا...تبعا...المرأه المسلمه المحجبه لازم تكون شيك...
.وتعرف الناس فى الكواكب التانيه انها حلوه...وتلفت نظرهم للحجاب و جماله



والنهارده عندى أفكار فظيعه..حا تفرح كل البنات بمناسبة الصيف...والبحر و المصيف

أول حاجه....انت جميله...وكلك حيويه...ولازم تستخدمى ألوان ((شم النسيم))



علشان كل الناس تحبك ويتحجبوا زيك


بصى...انتى تجيبى تلت أربع طرح كده....
اورانج على تركواز على أحمر...على فوشيا...هى دى ألوان الموده

والان...صديكتنا سمسمه حا تيجى علشان نصمم على دماغها الموديلات....
تعالى يا سمسمه
هه...ادى الطرحه الاولى...حا نلفها على الشمال
وادى الفوشيا على اليمين والتركواز فى النص... ((اتعدلى يا سم....سمه ))
ونلف على النفوخ من فوق الطرحه التاسعه....
.وبعدين نحط بروش قد الفيل و بيلمع على خدك من الجنب..
.وما تنسيش تهزى راسك كل شويه علشان الترتر و الخرز يبان
أخ....سورى يا جماعه....الظاهر الاخت سم سمه ماتت من الخنقه
مش مهم...
لو عندك طرحه...وزهقتى منها حا أقول لك على أفكار تجنن
اجمعى الطرح كلها...وافتحى دولاب باباكى....وهاتى كام قميص...
واوعى حد يشوفك ((طبعا علشان تبقى مفاجأه ))
وما تقوليش انها فكرة تانت أفكار
((خليهم يحسوا انها فكرتك انتوقصى الزراير...ولونيها بالطماطم...ولزقيها على ديل الطرحه....
وكمان قصقصى رقع قماش من بنطلون أخوكى ((اوعى يشوفك)) وخيطى الرقع على ديل الطرحه....
ودولاب مامى عارفه فستنا فرحها اللى شايلاه للذكرى
(( كفايه عليه كده...ده بقى قديم و دقه قديمه )) قصى الدانتيل و الخرز و الترتر اللى فيه
و ضيعى وقتك كله فى تطريز طرحك....وخليه كل همك الصيف ده....وبكده تبقى صوره حلوه للأخت المحجبه

تليفون
ترررررررررررن
ألووه....أيوه يا تانت أفكار...أنا ستوته. احنا بنحبك خالص...
.وحبيت أقول لك عبايتك تجنن....وخصوصا التطريز اللى عليها
والفرو اللى على الطرحه خطير
وكنت عاوز أسأل المذيعه....العبايه الجينز اللى لبستها الاسبوع اللى فات
و كانت كلها مرايات و ترتر و شراشيب....يا ترى منين؟؟وبكام؟؟

المذيعه
يا حبيبتى.... والله أنا بأحبكم فى الله
(( طب و هى دى أصول المحبه...فين النصح لوجه الله....والقدوه...وتطبيق الحجاب ))
العبايه من محلات... مهرجان التبرج

أفكار
صحيح يا بنات....حبيت أقول لكم ان اللون البيستاج موده السنه دى كمان
أما حبيبتى ستوته اللى اتصلت...الفرو ده فرو الارنب بتاع جارتنا أم محمد
أخدته و حطيته على الطرحه...أصل أنا اقتصاديه جدا....
أه نسيت أقول لكم عن القبعات السنه دى...


وكمان دى

وخدوا دى((حجاب هندى))

والربطه الاسبانيش...تجنن

وكماااااان مفاجأه
الشمس المشرقه...علشان تشعى نور و ايمان لكل المسلمين
وكمان حجاب الطربوش

وزى ما نتم شايفين حجاب مذيعتنا الفرعونى....أو حجابى الهندى....
وده موديل تانى((ما تنسوش تعوجوا لسانكم و انتم بتنطقوها...موديل))

فهيبقى حاجه لطيفه لكل واحده تخرج الصبح...
حجاب خيال المآته

والى هنا حبيباتى فى كوكبنا العجيب تنتهى حلكتنا عن الطرح و سنينها
والمره الجايه حلكه خاصه عن البنتلون((انطقوها صح))





منقول




============ ======


شر البلية ما يضحك
أختي المسلمة
ما هو تصورك عن الحجاب
هل هو لتغطية الشعر فقط ؟
ومش مهم لفت الأنظار ؟؟؟
مش انتي برضه بتلبسيه عشان تداري الزينة ...
طيب إزاي تداري زينة بزينة تانية ؟؟؟ !!!
في بنات بيلبسوا حجاب وكأنهم بيقولوا للناس .... بص عليا بص .... أنا هنا
تحسي إن لو الكهربا قطعت ممكن تنور بكمية الترتر اللي عليها
فتلفت النظر ..
فاتقوا الله والتزموا بالحجاب الشرعي
[/align]

[حفيدة الصحابه]

الله يجزاكي خير

[صمت الاحزان]

[*يارا*]

يسلمووووووووووووووووووو حبيبتي