السلام عليكم ورحمة الله وبركاته
بصراحة هدي اول مشاركة
بس انا دوم اتابع المنتدى
واحسكم زي الاخوات هنا وتساعدوا بعض من قلوبكم
انا بنت عمري 19 سنة فلسطينية ليا 4 اخوان كلهم اكبر مني واخت متزوجة ساكنة بجدة
امي الله يرحمها توفت قبل 9 شهور من القلب
وبصراحة صرت اكره البيت من بعدها حتى اخواني صاروا يعملوا مشاكل مع بعض
وانا محتارة بينهم اخواني مايريدوا بابا يتزوج بعد ماما الله يرحمها وهو مش كبير بالمرة عمره 55
وانا اللي متحملة المسؤولية كنت من اول لما يجيني خطاب ارفض عشان اكون معهم ومع الوالد
بس لما شفتهم كده مايبغوا الوالد يتزوج صرت ابغى الفكاك منهم بصراحة لاني لاقادرة ادرس بالجامعة والمعهد ولا قادرة ارتاح وربي النوم ما ادوقه وكل وقتي مرهقة لاني الوحيدة اللي اراعي الوالد وبالاخر يقولوا اني مقصرة
وحدة من صديقاتي قالتلي شوفي ارقام خطابات بجدة بس يكونوا ثقة ويخافوا ربهم واتزوجي منه ترتاحي كمان كده يصير بعد ماتتزوجي مايقدروا اخوانك يقولوا لابوك لاتتزوج لان مافي مين يراعيه
مدري وش رايكم ساعدوني انتوا فيكم اللي اكبر مني وخبرتكم اكثر مني اخاف اشوف من الخطابات يشوفولي واحد مايخاف الله وانا مو ناقصني اللي شفته من فراق الوالدة شيب راسي
الله يسعدكم لاتبخلو عل الله بجد محتاجة مساعدتكم ..
مواقع النشر