بسم الله الرحمن الرحيم
السلام عليكم ورحمة الله وبركآته
اخواتي انا عندي مشكله وابي لها حل وعشان كذا نزلت هالموضوع لكي تفيدوني
بدايتة المشكله كنت اسكن في بيت اخي الكبير من ابي بعد وفات ابي وامي ولأجل المشاكل إلتي
كنت أرهآ وافقت بأن اتزوج حتى استقل في بيت لوحدي وافتك من المشاكل إللي كانت تحصلي المهم
وقتها كنت صغيره وكنت ادرس بالصف الثاني المتوسط وكنت اريد ان اكمل
دراستي ولكن تفاجات بحملي وانا في بداية دراستي للصف الثالث متوسط وتعبت من الحمل تعرفون
بداية الحمل كيف المهم ما اهتميت رغم التعب ورغم بعد مسافة المدرسه
لكن بعد فتره صارت لي ظرووف قااسيه منها ان زوجي مو مؤيد لفكرة الدراسه وشي ثاني كل
الظرووف كانت كلها تجبرني على ترك الدراسه المهم حتى ترم واحد ما كملته لصف ثالث متوسط يعني
وما كان احد بجنبي ينصحني ويوقف معاي بسرآحه كنت مقطوعه من شجره وقتها ووكنت احس اني
وحيده في هالدنيا مالقيت احد يساعدني تركتهآ :(
ونقلنا من نفس المكان علشان شغل زوجي وكذا والتهيت بالبيت والاطفال وتمر سنه ورا سنه وانا
مازالت فكره الدارسه في بالي واموت قهر يوم اشووف البنات كملو دراستهم وانا بكل اسف وقفت ولم اكمل
المهم بعد ست سنوات من ترك للمدرسه جيت افكر بجديه وكان زوجي هالمره حاب فكرة اكمالي
للمدرسه المهم يوم جيت ابي اخذ ملفي من نفس المدرسه إللي كنت ادرس فيها قالوا انو الملف
بالأرشيف وضايع ومدري ايش ولازم تطلعين بدل فاقد وكلام كثير فقدت الامل وما عرفت وش اسوي
لكن ابي اكمل ضروري مو عارفه وش اسوي سألت واستفسرت قالولي روحي للمدرسه إللي كنتي تدرسين فيها قبل تتزوجين وخلي المدرسات يطلعولك منها شهاده قلت وش يطلعون لي شهادة سادسه يعني اكمل من اول متوسط والا وش السالفه
المهم ما تحمست للفكره لانو احتمال تنجح واحتمال لا ...
فـ ياأخواتي ابي منكم المساعده النصائح وقولولي وش اسوي تعبت اولادي كبرو وصرت احس بفراااغ
وصراحه ابي ادرس ابي ادررس نفسي اكمل دراستي كلي ندم على مافااااات واللي ضيعته من عمري
ابي نصــآيحكم والله يجزآكم كل خير ..
مواقع النشر