ستشارة لألوان و ديكورات الصالون و غرفة السفرة.. (مع الصور)

[نغمــ]

السلام عليكم و رحمة الله و بركاته

عزيزاتي، ما كتبت لكم و لا استشرتكم الا بعد أن بهرني و أعجبني ذوقكن العالي، فأرجو المساعدة، و أملي فيكم كبير، أتمنى آن لا تخذلوني

::

عزيزاتي الحوائيات، أنا عرسي بعد 3 أشهر إن شاء الله (دعواتكم)، و رح أبدأ تجهيز البيت قريب انشاء الله، بيتي مشطب الحمدلله،،

مشكلتي كلها في الصالون و غرفة السفرة (مفتوحين على بعض أكنهم غرفة واحدة)، و هذا رسم تقريبي له،،

::


*

::

أنا آبغى المكان يكون أنيق و فخم بس في نفس الوقت يكون مودرن،، أبغا ألوانه تكون بني في ذهبي و يا ريت لو ممكن ندخل فيه العودي عشانه يعطي شعور بالفخامه و الدفء،،

هذي صور السفرة و الصالون اللي بسويهم انشاء الله، و ممكن اغير فيهم الألوان زي ما أبغى، فأرجو أن أسمع اقتراحاتكم، مع مراعات اني أبغا الألوان غامقة (بسبب الأطفال و التراب)،،

::



::



::

يا بنوتات أنا الأرضيه عندي بورسلين لونه سكري، و الحيطان بدهنها أوف وايت اما الحيطة اللي فيها الفتحة زي الصورة بحط ورق حائط ذهبي سادة على هذا الذهبي من جهة الصالون بعلق تلفزيون اما جهة السفرة بحط البوفيه أو النيش،،

و من ورا الصالون، الحيطة اللي عليها شباك، بحط عندها ستارة نازلة (الستارة بتكون مالية الحائط، مو زي الصورة اللي تحت، لان الشباك عندي كبير بطول و عرض الحائط)، الستارة رح تنزل،عادي ببساطة دون أي حركات زي الصورة، و لو لون الكنب درجات البني مثلا، بخلي الستارة بني في ذهبي ( يجمع بين لون الكنب و الحيطة اللي جنبه) اما باقي الحيطان و السقف بدهنها أوف وايت،،

::



::

زي الصورة بس بدل العودي بني،، و بحط سجادة تحت السفرة و الصالون بس محتارة ايش الألوان اللي اجيبها،،

إيش رأيكم، هذي أشياء؟ محتارة فيها،، بس الآن بدخل في اللي من جد ملخبطني،،

عندي مشكلتين،،

هي المساحة الفاصلة بين الصالون و السفرة (المساحة اللي قدام الفتحة اللي موجودة في الحيطة الذهبي) هي فتحة كبيرة تدخل على الجزء الداخلي للبيت اللي فيه الحمامات و الغرف و المطبخ، هيا ماهي كبيرة مرة بس في نفس الوقت مو صغيرة، يعني ما يصير أتركها فاضية،، يا ريت تساعدوني يا أخوات، ايش اقتراحاتكم؟

على الحيطة المقابلة بفكر احط كرسيين صغار ووسطهم طاولة دائرية صغيرة، و في وسط الصالة ايضا مساحة فارغة،
افكر احط نجفة كبيرة على الحيطة عشان تاخد العين و تحتها ارمي شئ زي شرشف او مخدات او اي شئ،،
كيف؟ حلو ولا زحمة؟

احط نجفة كبيرة في النص فقط للصالة مع ابجورتين عند السفرة و زيهم عند الصالون ولا احط نجفتين صغار فقط دون اباجورات؟ (مع العلم الصالة فيها اربع اضاءات موزعة من اللي تكون صغيرة و مدورة جوة السقف)، و للعلم السقف سادة و مافيه اي حركات ولا فتحات ولا ديكورات،،

بحط نجف يجمع بين الفخامة و الحداثة، زي الصورة كده مثلا،،

::



::

ممممم،، اتمنى ما اكون نسيت شئ، و ارجو اعطائي بعض الأفكار، و مساعدتي على اختيار الألوان،، من كنب لسفرة، لديكور، لكراسي، لنجف، لاباجورات، لسجاد، لستارةو للحائط،،

ساعدوني و اشيروا علي ياصاحبات الذوق الرفيع، و الله يسعدكم و يجعل من بيوتكم جنان صغيرة على الأرض، جميلة مريحة، عامرة بذكر الله، ويسخرلكم ازواجكم و يرزقكم بالذرية الصالحة انا و اياكم، قولو آمين

[الجودها]

الله يعطيك العافيه

[@نفرتيتي@]

تسسسسلمي وماقصرررتي

[بنت محمد]

السلام عليكم ورحمة الله وبركاته


مشكوووووورهـ والله يعطيك الف عافيه