أخواتي أنا محتارة وجيت طالبتكم
صحيح ايماني بالله قوي واحب التحدي واحب الصمود
بس والله يانااااس انا تعبت تعبت تعبت
بروووووووحي بين اربع جدررران وكأنه انكتب علي اعيش تعيسه
ليشششششش انا عمري بحياتي ماحقدت عمري بحياتي ماسرقت
عمري بحياتي ماقتلت ولا خنت اهلي ولا تماديت بشئ يسيئ لسمعتي
لكن مع هذا انا في حاله لايرثى لها انا والله متملله طفشانه متضايقه
مالي خلق اروح الكليه صاير لي اسبوع غايبه بالاضافه لهالاسبوع اللي داومت فيه يوم بس اللي هو امس !
ورجعت وانا متضايقه حدي وودي ابكي..؟ ماعرف ليششششش
حاولت اقعد مع نفسي ابي اعرف وش فيني مالقيت سبب
والله العظيم مالقيت سبب .. صديقاتي يجتمعون واياي
يسلمون علي وانا ابتسم وارجع اسرح واطالع الارض
صاروا يتساءلون وش فيك وانا اضحك اقول مدري وربي مدري !
انا مليت من هالحاله .. فكرت انه عين حاولت اروح لشيخ
رفضوا خواتي واخواني ع اساس انه ممكن يطلع علي حكي
بس انا متأكده فيه شئ مو مخليني ارتاح
يااناس الكليه مافيها بلى وصديقاتي يرسمون الابتسامه غصب على شفاتي
والاستاذات هالسنه مافيه احلى منهم .. واروح واجي مع اخوي عادي
مافيه شئ تاعبني بس مع هذا والله من اركب السياره احس الدنيا تسود بوجهي
ادخل الكليه احس بغثا طيب ليش؟؟؟ وربي مادري والله مادري
مريت بحاله ماهي طبيعيه قلت يابنت يمكن انك مريضه نفسيا !!
مع اني والله مداومه عالصلاه والقرآن وتاركه الاغاني والمسلسلاات بهالشهر
نادرا اذا صادف اشوف مسلسل طاش لانه وقت فطوور
داايم بغرفتي صايره اكره اطالع التي في
اكره ارد عالتيلفووون
اكرره اسمع احد يقول تعالي افطري عندنا !!
ماادري وش فيني .. قرأت على نفسي كثيررر
دعيت ربي يفرجهــا علي .. حاولت وحاولت ومتأكده ربي بيفرجها
بس والله متضايقه حدي .. لمنو ألجأ بالله
خواتي يقولون والله دلع اخواني يقولون استهتار
صديقاتي يقولون تتغلين وتتكبرين
وانا نفسي مو عارفه شفيني
اليوم مو قادره اداوم اخوي يقول يلا باوديك
اقول له لا اليوم اعتذرت الاستاذه وماراح اداوم !
ماعرف ليش اسوي كذا والله والله مالي الا انتم ابي اتكلم
ابي حد يحس فيني كل ماقول لاحد يقولون دلع استهتار تعوذي من ابليس ......إلخ
خلاص تعبت اتكلم
أبي مساعدتكم الله يخليكم
رد مع اقتباس
مواقع النشر